Bıýro otyrysy ótti

Aldaǵy beısenbide senatorlar «2014 jylǵy 29 ma­myr­daǵy Eýrazııalyq ekono­mıkalyq odaq týraly shart­qa Qyrǵyz Respýblıkasy­nyń qosylýyna baılanysty Qyrǵyz Respýblıkasynyń 2014 jylǵy 29 mamyrdaǵy Eýrazııalyq ekonomıkalyq odaq týraly shartty, Eýra­zııalyq ekonomıkalyq odaq­tyń quqyǵyna kiretin jekelegen halyqaralyq sharttar­dy jáne Eýrazııalyq eko­nomıkalyq odaq organ­dary­nyń aktilerin qoldanýy jónin­degi jaǵdaılar men ótpe­li erejeler týraly 2015 jyl­ǵy 8 mamyrda qol qoıylǵan hattamaǵa ózgeris engizý týraly hattamany ratıfıkasııalaý týraly» zańdy qaraıdy.

Atalǵan zańnyń norma­laryna sáıkes Qyrǵyz Res­pýb­lı­kasynyń Eýrazııa­lyq eko­nomıkalyq odaq­tyń ke­den­dik shekarasyn­da­ǵy ót­kizý pýnktterin jaılastyrýdy jáne ma­te­rıaldyq-tehnıkalyq ja­raqtandyrýdy qamtamasyz etý jónindegi mindettemelerin oryndaý merzimin 108 aıǵa deıin uzartý usynylady.

Sonymen qatar Palata otyrysynda «Qazaqstan Res­pýb­lıkasynyń keıbir zańna­malyq aktilerine bilim berý, tálimgerlik jáne bala­lar­dyń qaýip­sizdigi másele­leri bo­ıyn­sha ózgerister men tolyq­tyrýlar engizý týraly» zań qaralady. Bul qujat osy salalardaǵy zańna­many jetildirýdi kózdeı­di. Máselen, zańda mektep, balabaqsha jáne aýrýhana qurylystary esepke alyn­baǵan jaǵdaıda kópqabat­ty turǵyn úılerdiń qurylysyn shekteý normasy qarastyrylǵan.

Sondaı-aq Bıýro otyrysynda Májilisten kelip tús­ken zańdar Senattyń turaq­ty komıtetterine bólinip berildi.