Arman Júdebaev mádenıet jáne aqparat vıse-mınıstri qyzmetinen bosatyldy, dep habarlaıdy Egemen.kz.
«Qazaqstan Respýblıkasy Úkimetiniń qaýlysymen Arman Ádilhanuly Júdebaev basqa jumysqa aýysýyna baılanysty QR mádenıet jáne aqparat vıse-mınıstri qyzmetinen bosatyldy», delingen resmı habarlamada.
Ol bul qyzmetke 2023 jyldyń shilde aıynda taǵaıyndalǵan edi.
Arman Júdebaev 1986 jyly Almaty oblysynda dúnıege kelgen. Qurmanǵazy atyndaǵy Qazaq ulttyq konservatorııasyn támamdaǵan.
Eńbek jolyn 2006 jyly «Qurmanǵazy atyndaǵy qazaq memlekettik akademııalyq halyq aspaptar orkestri» RMQK-da aspaptar orkestriniń ártisi bolyp bastaǵan.
2009-2011 jyldary «Qurmanǵazy atyndaǵy qazaq memlekettik akademııalyq halyq aspaptar orkestri» RMM dırıjerleý kafedrasynda oqytýshy, 2011-2013 jyldary «Qurmanǵazy atyndaǵy qazaq memlekettik akademııalyq halyq aspaptar orkestri» RMM oqytýshysy, aǵa oqytýshysy, 2013-2018 jyldary «Qurmanǵazy atyndaǵy qazaq memlekettik akademııalyq halyq aspaptar orkestri» RMM bas dırıjeri bolǵan.
Al 2018-2023 jyldary Qurmanǵazy atyndaǵy Qazaq ulttyq konservatorııasynyń rektory qyzmetin atqardy.
2023 jylǵy mamyrdan shildege deıin Mádenıet jáne sport mınıstrligine qarasty Mádenıet komıtetiniń tóraǵasy bolyp jumys istedi.
2023 jylǵy shildede mádenıet jáne aqparat vıse-mınıstri qyzmetine taǵaıyndaldy.