Botaqaradaǵy jarylys

Aıaq astynan bolǵan apat túnniń jarymynda eldi alań­datyp-aq tastady. Áýezov kó­shesi, 8a mekenjaıynda orna­lasqan bul úı 2014 jyly paı­dalanýǵa berilgen. Atalǵan úı áli ortalyqtandyrylǵan jy­lytý qazandyǵyna múldem qo­sylmaǵan.

Jalpy, úıde 46 adam tu­ra­dy eken, jarylys kezinde 35 adam bolǵan. Jaraqat al­ǵan bes adam úıindi arasy­nan qut­qa­rylyp, úsh bala aýrý­ha­naǵa jedel jetkizildi. Qutqarý ju­mysyna 139 adam, 32 tehnıka jumyldyrylǵan.

– Úıindiler tazartyldy. Jergilikti atqarýshy organdar barlyq qajetti tehnıkany ýaqtyly usyndy, sonyń arqasynda bes adam qutqaryldy. Adamdar úıindilerdiń astynda, plıtalardyń arasynda qa­lyp qoıǵan. Krandar men úsh ekskavator tartyldy. Bú­gin­gi kúni Tótenshe jaǵdaı­lar de­partamenti men polısııa qyz­metkerleri tekserý júrgizip jatyr. Jarylystyń aldyn ala sebebi – gaz ballonynyń durys ju­mys istemeýi. Gaz ballony sý­yqtan jyly bólmege kirgizil­gen. Bolǵan oqıǵaǵa kim kináli ekenin quqyq qorǵaý organdary anyqtaıdy, – deıdi ob­lystyq Tótenshe jaǵdaılar depar­tamenti bastyǵynyń orynbasary Amanbek Beısembaev.

Joǵaryda aıta ketke­ni­mizdeı, gaz ballony jarylǵan pá­terdiń ǵana emes, jalpy úıdiń tóbesi opyrylyp, basqa da pá­terlerdiń qabyrǵalary só­gilgen. Qazir jergilikti sı­pattaǵy tótenshe jaǵdaı ja­rııa­­landy. Apatty úıdiń tur­ǵyndary týysqandarynyń úıi­ne ornalastyryldy.

– Zardap shekken otbasy­larǵa kómek kórsetiledi. Páter jaldap turamyz dese, ony da tólep beremiz. Qazir keltirilgen shyǵyndy baǵalaıtyn komıssııa qurý jumystary júrip jatyr. Ázirge úıde KazMIRR mamandarynyń kómegimen tek­seris júrip jatyr. Sarap­shy­lar úıdi qalpyna keltirý múm­kin emestigin aıtsa, jańa úı salýdy oılastyramyz, – deıdi Buqar jyraý aýdanynyń ákimi Abylaı Sultanǵalı.

Apat kezinde kóz jumǵan marqumdardyń esimi anyq­taldy. Erli-zaıypty Tóle­gen Tursynbekuly men Al­ma Omarqyzynyń mezgil­siz dú­nıeden ótkendigi esti­gen jan­dy eseńgiretti. Qara­ǵandy ob­lystyq Polısııa depar­tamenti ózderiniń, áleýmettik je­li­degi paraqshalarynda Bu­qar jyraý aýdandyq polı­sııa basqarmasynyń jedel ýákili Dáýren Tólegenulyna ata-ana­­synyń mezgilsiz qaıtys bo­­lýyna oraı qaıǵysyna or­taq­tasyp, kóńil aıtypty.

– Oblystaǵy medısınalyq mekemelerge zardap shekken bes adam tústi. Onyń úsheýi – bala. Eki bala ambýlatorlyq emge shyǵaryldy, bir bala oblystyq balalar klınıkalyq aýrýhanasyna jetkizildi. Eki eresek naýqas Buqar jyraý aýdandyq aýrýhanasynda stasıonarlyq em alyp jatyr. Bireýiniń denesin 80 paıyz kúıik shalǵan. Jaǵ­daıy aýyr. Ekinshisiniń jaǵ­daıy qalypty, 26 paıyz kúıik shalǵan. Jaraqat alǵan jan­darǵa barlyq medısınalyq kómek kórsetilip otyr, – deıdi ob­­lystyq Densaýlyq saqtaý bas­­qarmasynyń basshysy Bı­bigúl Tólegenova.

Qalaı desek te qaýipsizdik qaperimizde bolmaı tur. Byltyr turmystyq gaz ballonynyń jarylýy bes ret qaıtalanǵan. Ja­zataıym oqıǵalardyń kóp­shiligi joǵarydaǵy sekildi turǵyn úıde oqystan oryn alyp jatady. Gaz ballony otqa oranbaı tu­ryp, aýa aǵynymen jarylǵan kún­niń ózinde de adamǵa qaýpi asa zor eken.

Tótenshe jaǵdaılar depar­tamentiniń mamandary qatty es­ker­tedi: gaz ballonyn kó­lik stansalarynda toltyrý asa qa­ýipti! О́ıt­keni gaz qu­ty­syna nebári 80-85 paıyz kó­le­minde ǵana tol­ty­rylǵany ma­ńyzdy. Jáne ondaı jerlerde gaz jabdyǵynyń qaýipsizdigi tekserilmeıtini aıan.

Sondyqtan saqtanǵan abzal, aǵaıyn!

Qaraǵandy oblysy

Buqar jyraý aýdany