Mıǵa salynǵan ımplant

Jobanyń negizi 2016 jyl­dyń shildesinde qalanǵan. Onyń maqsaty − adam mıyna ımplantasııalanatyn chıpter ázirleý. Ilonnyń aıtýynsha, neıron­dyq ınterfeıster álem­di jasandy ıntellektiń aldyn oraýǵa qabiletti etedi. Masktyń kompanııasy ótken jyldyń naýryzynda neırondyq chıpti mıyna erikti túrde saldyratyn adam izdegen edi. Búginde alǵashqy opera­sııa­sy sátti ótti. «Birinshi adamǵa «Neuralink» ımplanty salyn­dy, operasııadan keıin qalpyna kelý úderisi jaqsy júrip jatyr», ­dep jazdy Ilon Mask.

Mı ımplanty birinshi kezekte múmkindigi shekteýli, sal aýrýy­na shaldyqqan, aıaq-qolynan aıyrylǵan adamdarǵa salynady. Álemdi tańyrqatqan tehnologııa zaǵıp jandarǵa kórý qabiletin qalpyna keltirýge jáne epılep­sııamen aýyratyndarǵa usta­ma­dan arylýǵa kómektesedi. Iаǵnı chıp mıdaǵy durys emes dúnıeniń bárin túzete alady.

Implant bas súıektiń astyna ornatylyp, elek­trodtardyń kómegimen mı­ǵa qosylyp, adam aǵzasynyń fýnk­sııalaryn oryndaı bas­taıdy. Kompanııa 2024 jyly barlyq aıaǵy sal bolyp qalǵan eriktilerge opera­sııa ja­saýdy jos­par­lap otyr. Al jurt qorqyp otyrǵan mıǵa daǵdy­lar­dy júkteý jáne basqa da fan­­tas­tıkalyq artyqshylyqtar týraly ázirge sóz bolǵan joq.

Alǵashynda opera­sııa ja­nýar­larǵa jasaldy. 2020 jyl­dyń ta­my­zynda «Neuralink» mamandary shosh­qalardy sátti chıptegen edi. Injenerler ımplantty ja­nýarlardyń mıy­na engizip, so­dan keıin ony densaýlyǵyna zııan keltirmeı shyǵaryp aldy. Chıptiń kó­me­gimen ǵalymdar symsyz baı­­lanys arnasy arqyly ja­nýardyń mıynyń taktıldi or­­ta­lyqtarynyń belsendiligin ba­qy­laı aldy.

Keıinirek jýrnalıster chıp­terdi engizgennen keıin synaq janýarlarynda jaǵymsyz reak­sııalar paıda bolǵanyn bil­di. Basqalarmen qatar, ishinara para­lıch, dıareıa jáne mı­dyń isinýi tirkeldi. Tipti birde chıp sa­­lynǵan bir maımyldaǵy chıp­tiń bekitpesi bosap, bas súıegine zaqym kelgen.