Ál-Farabı atyndaǵy Qazaq ulttyq ýnıversıtetiniń 90 jyldyq mereıtoıy aıasynda oqý orny bazasynda hımııalyq galvanıkalyq qaptamalar shyǵaratyn «Chemical Coating innovations» ǵylymı-óndiristik ortalyǵy ashyldy.
Joba Ǵylym jáne joǵary bilim mınıstrligi Ǵylym qorynyń qarjylaı qoldaýymen júzege asyp otyr. Munda mashına jasaý jáne tehnıkalyq qural jasaý qajettilikteri, sondaı-aq kádesyılar men zergerlik buıymdar óńdelip, arnaıy galvanıkalyq qaptamalar shyǵarylatyn bolady. Ortalyqtyń ashylý rásimine qatysqan Ǵylym jáne joǵary bilim vıse-mınıstri Darhan Ahmed-Zákı ǵalymdardyń jumysyna sáttilik tilep, otandyq ǵylymdy damytýda zamanaýı óndiristerdi ilgeriletýdiń mańyzdy ekenin jetkizdi.
Ulttyq ýnıversıtettiń basshysy Janseıit Túımebaevtyń aıtýynsha, galvanıkalyq qaptamalar ónimniń qyzmet etý merzimin uzartady. Iаǵnı bul óndirýshige de, tutynýshyǵa da tıimdi ári tat basýdan qorǵaýdyń jańa ádisi bolyp sanalady. Jańa ortalyqta óndiris tehnologi jáne operatory mamandary daıarlanatyn bolady.
О́ndiristiń materıaldyq-tehnıkalyq bazasymen tanystyrý barysynda joba jetekshisi, «Chemical Coating innovations» ǵylymı-óndiristik ortalyǵynyń basshysy Alına Galıeva «Búginde elimizde elektrhımııalyq qaptamalardy jasaý qarqyndy damyp keledi dep aıta almaımyz. Mundaı ǵylymı-óndiristik ortalyqtar is júzinde joq. Elektrhımııalyq qaptamalardyń sapasy joǵary ári tájirıbedegi qoldanysy óte tıimdi. Qazirgi ýaqytta bizdiń ortalyqta myryshtaý, nıkelmen qaptaý jáne mys óńdeý jelileri ornalasqan qoıma bar. О́ndiris jylyna on myńdaǵan sharshy metr qaptamalar alýǵa múmkindik beredi», dedi.
Aldaǵy ýaqytta josparǵa sáıkes osy ortalyqta ártúrli agressıvti ortadan qorǵaıtyn qaptamalar jáne qoldaný tehnologııalaryn ázirleý jumystary iske asatyn bolady. Joba ónerkásip sektorynyń naqty suranysy negizinde júzege asyp otyr.
ALMATY