Shymkentte qyzdy alyp qashý deregi boıynsha er adam ustaldy, dep habarlaıdy Egemen.kz.
Shymkent prokýratýrasynyń málimetinshe, 2024 jyldyń 16 qańtarynda qaladaǵy polısııanyń kezekshi bólimine M.A. esimdi azamatsha qyzyn úılený maqsatynda belgisiz er azamattyń urlap ketkeni týraly habarlaǵan.
«Atalǵan fakt boıynsha Qazaqstan Respýblıkasynyń qylmystyq kodeksniń 125-baby 2-bóligi 1) tarmaǵynyń negizinde («Adamdy urlaý») sotaldy tergep-tekserý bastaldy. Is barysynda Mańǵystaý oblysynyń G. esimdi turǵyny ustalyp, eki aıǵa qamaýǵa alyndy. Tergep-tekserý kezinde barlyq mán-jaı anyqtalady», delingen Shymkent prokýratýrasynyń habarlamasynda.
Mundaı qylmysty jasaǵany úshin kinálilerdiń múlki tárkilenip, olarǵa qatysty jeti jyldan on eki jylǵa deıingi merzimge bas bostandyǵynan aıyrý jazasy qoldanylýy múmkin.
«Qazaqstan Respýblıkasy Qylmystyq prosestik kodeksiniń 201-babynyń talaptaryna sáıkes basqa aqparat jarııalanbaıdy», dedi prokýratýranyń baspasóz qyzmeti.