Italııanyń Martel qalasynda para shańǵy men para bıatlonnan ótip jatqan álem kýboginiń ekinshi kezeńinde Qazaqstan sportshysy bıatlonnan qola júldege qol jetkizdi, dep habarlaıdy Egemen.kz.
Ulttyq Paralımpıada komıtetiniń baspasóz qyzmeti otandasymyz Erbol Hamıtovtyń para bıatlonnan 7,5 km qashyqtyqty 22:02.5 sekýndta júrip ótip, úzdik úshtikke ilikkenin málim qyldy.
Aıta ketsek, álem kýboginiń ekinshi kezeńi 31 qańtar – 4 aqpan kúnderi aralyǵynda ótedi. Atalǵan jarysqa 18 elden kelgen 160-tan astam sportshynyń arasynda Qazaqstan quramasynyń 7 ókili bar.