Qaraǵandyda jedel járdem kóliginiń júrgizýshisin urǵan Nurbolat Dákebaev eki aıǵa qamaýǵa alyndy, dep habarlaıdy Egemen.kz.
Anyqtalǵandaı, tergeý soty kúdiktini syrttaı qamaý týraly prokýror shaǵymyn qanaǵattandyrǵan.
- 28 qańtarda sot syrttaı Nurbolat Dákebaevqa qatysty 2 aıǵa qamaý týraly bultartpas sharasyn taǵaıyndady. Ol úkimge qarsy shaǵym túsirgen joq, – delingen sot aqparatynda.
Eske salaıyq, 27 qańtarda Qaraǵandyda er adam jedel járdem júrgizýshisin urǵan edi. Oqıǵanyń vıdeosy jelide tarap ketken.
Saldarynan jábirlenýshiniń mıy shaıqalyp, murny synǵan, keýde men bettiń jumsaq tinderine zaqym kelgen.
Júrgizýshiniń aıtýynsha, er adamǵa jedel járdem kóligin turaqqa qoıǵany unamaı qalǵan.
Kúdikti Nurbolat Dákebaevqa izdeý jarııalanyp, ol 1 aqpanda Qaraǵandydan 200 shaqyrym jerdegi qystaýda ustaldy. Ol úsh jylǵa deıin sottalýy múmkin.