Ispanııanyń Las-Nýsııa qalasynda áıelder arasynda ótken Boxam Elite-2024 týrnıriniń fınalyna Qazaqstannyń toǵyz boksshysy shyqqanymen, solardyń ekeýine ǵana bas júlde buıyrdy.
52 kg salmaqtaǵy Jazıra Oraqbaevanyń fınalda fransııalyq Kaelıa Mopennen mereıi ústem bolsa, asa aýyr salmaqtaǵy Lázzat Kúngeıbaeva ıspanııalyq Saıra Garsııa Garaıdyń tas-talqanyn shyǵardy. Alǵashqy básekede 4:1, ekinshisinde 5:0 esebi tirkeldi. О́kinishke qaraı, ózge jeti bylǵary qolǵap sheberlerimiz sheshýshi tusta súrindi. Atap aıtsaq, Aıda Ábikeeva (63 kg) men Farıza Sholtaı (81 kg) aǵylshyn Sacha Haıkı men Ember Moss-Berchke jarytyp qarsylyq kórsete almady. Nazym Qyzaıbaı (50 kg) fılıppındik Aıra Vılegastan bir ǵana upaı aıyrmashylyǵymen jeńilse, Gúlsaıa Erjan (75 kg) Hergı Basıadan oısyraı utyldy. Sol sekildi Áıgerim Satybaeva (48 kg) ıspanııalyq Karmen Gonsales Ortegaǵa, Ánel Saqysh (54 kg) ıtalııalyq Sırın Shaarabıge jáne Mádına Nurshaeva (70 kg) taıpeılik Chen Nen Chınge jol berdi.