Astana memlekettik qyzmet haby men Joǵary Sot Keńesi arasynda ózara túsinistik týraly memorandýmǵa qol qoıyldy. Astana memlekettik qyzmet haby Basqarýshy komıtet tóraǵasy Álıhan Baımenov pen Joǵary Sot Keńesi tóraǵasy Denıs Shıpptiń kezdesýi aıasynda taraptar kelisimge keldi. Eki jaq sýdıa kadrlaryn irikteý prosesterin jetildirý, olardyń áleýetin arttyrý jáne osy saladaǵy úzdik halyqaralyq tájirıbemen tanysý máselelerinde yntymaqtastasýǵa ýaǵdalasty.
Denıs Shıpp óz sózinde memlekettik qyzmet salasynda keńinen qoldanylatyn ádister men quraldar sýdıalardy irikteý kezinde de paıdalanylatynyn atap ótti. Sondaı-aq ol Keńestiń fýnksııalary men mindetterine toqtala otyryp, sýdıalardy konkýrs arqyly irikteý, olardyń táýelsizdigi men derbes quqyǵyn kúsheıtýmen birge tártiptik jaýapkershilik tetikterin de jetildirý máselelerine nazar aýdartty.
Alıhan Baımenov óz kezeginde Hab pen Joǵarǵy Sot Keńesi arasyndaǵy áriptestiktiń mańyzdylyǵyna erekshe toqtaldy. О́ıtkeni, onyń aıtýynsha, sot júıesi men ádil sot tóreligin iske asyrýǵa degen senim sýdıalar korpýsyn irikteý sapasyna tikeleı baılanysty. Sondyqtan Hab sýdıa kadrlaryn irikteý máselelerinde saraptama-taldaý jaǵynan qoldaý kórsetýin odan ári jalǵastyrmaq.
2021 jyldyń qyrkúıeginen Hab pen Joǵarǵy Sot Keńesi áriptestigi aýqymynda sýdıalardy irikteý quraldaryn jetildirý, sıfrlandyrýdy engizý, sýdıalardy irikteý júıesine qoǵamdyq senimdi anyqtaý boıynsha jobalar júzege asty.
Álemniń 43 elinen turatyn Astana memlekettik qyzmet haby dúnıe júzindegi memlekettik qyzmetti reformalaý boıynsha bilimi men saraptaý qaýqary zor 90-nan astam ınstıtýsıonaldyq seriktespen áriptestik ornatqan.