Eýrazııa ulttyq ýnıversıteti bakalavrıat deńgeıindegi oqý úderisine jańashyldyq engizńp jatyr. 2024-2025 oqý jylynan bastap 1 kýrs stýdentteri jasandy ıntellekt tóńireginde ǵylymı zertteýler júrgizedi, dep habarlaıdy Egemen.kz.
Jańa oqý jylynda EUÝ barlyq pedagogıkalyq baǵyttar boıynsha bakalavrıat deńgeıine arnalǵan Minor baǵdarlamasyn engizedi. Stýdentter ınklıýzıvti bilim berýdiń úsh qosymsha pánin oqıdy: «Inklıýzıvti synypta oqytýdyń ámbebap dızaıny», «Erekshe bilim berýdi qajet etetin balanyń otbasyna psıhologııalyq-pedagogıkalyq qoldaý kórsetý» jáne «Erekshe bilim berýdi qajet etetin tulǵalardy tıýtorlyq qoldaý». Osy baǵytta EUÝ qyzmetkerleri erekshe bilim berý qajettilikteri bar stýdenttermen jumys jasaý baǵytynda oqytýshylarǵa arnalǵan ádistemelik usynymdar ázirledi.
Daryndy jastardy ǵylymǵa tartý maqsatynda 2024-2025 oqý jylynan bastap bakalavrıat baǵdarlamalaryna eki jańa modýl engiziledi. Olardyń biri ǵylymı komponentti qarastyrady jáne stýdentter oqýdyń birinshi jylynan zertteý jumystarymen aınalysady. Ekinshi modýl jasandy ıntellektti zertteýge baǵyttalǵan. Stýdentter osy baǵytta bilimderin keńeıtip, ozyq sıfrlyq tehnologııalardy meńgeredi.
«Jyl saıyn tehnıkalyq, ınjenerlik jáne pedagogıkalyq mamandyqtardy meńgerýge nıet bildirgender sany artyp keledi. Bizdiń ýnıversıtet eńbek naryǵynyń qajettilikterine jáne tehnologııanyń damýyna sáıkes bilim berý baǵdarlamalaryn únemi jetildiredi jáne jańalaryn ázirleıdi. Biz jumys berýshilermen, sheteldik ýnıversıtettermen, iri kompanııalarmen birlesip eńbek naryǵynyń suranysy boıynsha jańa ınnovasııalyq bilim berý baǵdarlamalaryn ázirlep jatyrmyz. Qazir bizde 40-qa jýyq ınnovasııalyq baǵdarlama bar. Olardyń 18-i pedagogıkalyq, ınjenerlik jáne tehnıkalyq baǵyttardy qamtıdy. EUÝ-da oqytý prosesi 3 tilde júrgiziledi jáne 45 bilim berý baǵdarlamasy aǵylshyn tilinde qarastyrylǵan. Sondaı-aq ýnıversıtetimiz qysqartylǵan bilim berý baǵdarlamasy boıynsha úsh jyl matematıka páni muǵalimderin daıyndasa, bıyl «Ǵaryshtyq tehnıka jáne tehnologııalar» bilim berý baǵdarlamasy boıynsha doktorantýra ashyldy», dedi EUÝ Akademııalyq máseleler departamentiniń dırektory Baıjuman Qashhynbaı.
L.N.Gýmılev atyndaǵy Eýrazııa ulttyq ýnıversıtetinde pedagogıkalyq, ınjenerlik, tehnıkalyq baǵyttaǵy joǵary bilikti kadrlardy daıarlaýǵa kóp kóńil bólinedi. Búgingi tańda ýnıversıtette osy salalarda úsh deńgeı boıynsha 12 myńnan astam stýdent bilim alady. 244 bilim berý baǵdarlamanyń 100-i pedagogıkalyq, ınjenerlik-tehnıkalyq baǵyttar boıynsha qarastyrylǵan.