Qara betperde taǵyp alyp, qaıyrymdylyqpen aınalysyp júrgen jigit týraly kópshiligimiz áleýmettik jeliden bilemiz, ol kóptegen otbasynyń úıli bolýyna kómektesip júredi, dep habarlaıdy Egemen.kz.
Jeli qoldanýshylarynyń deni jumbaq qaıyrymdy jandy Dımash Qudaıbergen dep oılaıdy. Al búgin onyń kim ekenin Bugin.kz jazdy. Onda áldekim betperde taqqan jigittiń kim ekenin málimdeıdi. Vıdeony myna siltemeden kóre alasyz.
- Betperde taqqan adam 26 jastaǵy oraldyq jigit. Ony kóbisi Dımash Qudaıbergen dep joramaldap júr. Biraq ol - qarapaıym adam. Onyń bar maqsaty - adamdardyń ómirin jaqsartý. Ol muqtaj jandarǵa kómektesedi. Alaıda, óziniń júzin de, esimin de jasyrady. Halyqqa kómekti ataq, dańq úshin jasamaıdy. Ol qara betperde, qara kózildirik taǵyp alǵan, - deıdi vıdeo ıesi.