Búginde О́zbekstannyń bas shahary Tashkentte erler men áıelder arasynda Azııa chempıonaty ótip jatyr.
Atalǵan jarysta 34 memleketten kelgen 200-ge tarta úmitker baq synap jatyr. Keshe Qazaqstan quramasynyń qorjynyna bir júlde tústi. 67 kg salmaqtaǵy Saıramkez Aqmolda qossaıystyń qorytyndysy boıynsha 292 kg (126+166) ziltemirdi eńserip, kúmis medaldy moınyna ildi. Qandasymyz tek Rı Von Djıden ǵana qalyp qoıdy. Soltústik Koreıadan kelgen sportshy 317 (137+180) kg salmaqty baǵyndyrdy. Taılandtyń ókili Travata Ratfeta qolaǵa qol sozdy. Ol 286 kg (128+158) salmaqty tik kóterdi. Bul básekeler 10 aqpanǵa deıin jalǵasady.
Qurlyq chempıonaty barysynda Olımpııa oıyndarynyń júldeleri sarapqa salynatyndyqtan, ony tamashalaý úshin Halyqaralyq aýyr atletıka federasııasynyń prezıdenti Muhammad Hasan Djalýd, Azııanyń prezıdenti Mýhammad Iýsýf Al Mana jáne taǵy basqa laýazym ıeleri Tashkentke arnaıy at basyn burdy.