Shymkent qalalyq bilim basqarmasynyń baspasóz qyzmeti Nızamhan orta mektebiniń 8-synyp oqýshysy úıinen belgisiz dári iship kelgenin málim etti, dep habarlaıdy Egemen.kz.
8-synyp oqýshysy úıinen belgisiz dári iship kelgenin qurbysyna aıtqan. Sodan ekinshi sabaqta esinen tanyp qalǵan.
Tarıh pániniń muǵalimi men synyp jetekshisi jedel járdem qyzmetin shaqyrǵan.
«Mektep medbıkesi alǵashqy kómek kórsetti. Jedel járdem qyzmetkerleri zont arqyly asqazanyn shaıdy. Oqýshy ózin jaısyz sezingendikten aýrýhanaǵa jetkizildi. О́kinishke qaraı, 2009 jyly týǵan jasóspirim aýrýhananyń jansaqtaý bóliminde qaıtys boldy. Qazirgi tańda quzyrly organ ókilderi tergeý jumystaryn júrgizip jatyr», delingen vedomstvo aqparatynda.