Sınoptıkter 8-10 aqpan aralyǵyna arnalǵan aýa raıy boljamyn jarııalady, dep habarlaıdy Egemen.kz.
Aldaǵy úsh kúnde Qazaqstan kezekti Atlantıka sıklony ákeletin atmosferalyq fronttardyń áserin sezedi. Elimizdiń soltústiginde jeldiń ekpini — 23-28, keı ýaqytta 30 m/s deıin kúsheıedi. Jańbyr men qar jaýady. Soltústik aımaqtarda qalyń qar jaýyp, burqasyn soǵady.
Sondaı-aq sıklon aýa temperatýrasyna qysqa merzimdi jylyný ákeledi. Ol az ýaqytta aıazǵa almasyp, kún kúrt sýytady. Elimizdiń batysy men soltústik-batysynda 10 aqpanǵa qaraı aýa temperatýrasy túnde 12-20 gradýs aıazǵa deıin tómendeıdi.
Al eldiń qalǵan aýmaǵynda temperatýralyq fonda kúrt ózgerister bolmaıdy.