Alakól aýdanynyń Aqjar aýylynda «Aýyl – el besigi» baǵdarlamasy aıasynda jańa Mádenıet úıi paıdalanýǵa berildi. Zaman talabyna saı materıaldyq-tehnıkalyq bazalarymen jabdyqtalǵan ǵımarat qos qabatty, aýmaǵy 8 myń sharshy metrdi quraıdy.
Endi munda aýyl jastary men jasóspirimderiniń bos ýaqyttaryn tıimdi ótkizýine múmkindik bar, túrli mádenı is-sharalar uıymdastyrýǵa jaǵdaı jasalǵan. Munda 20-ǵa jýyq úıirme, atap aıtqanda, horeografııa, dombyra, vokal, kórkemsóz, sýret, t.b. jumys istep, 12 shtattyq birlikke sáıkes turaqty jumys orny ashylatyn bolady. Oqyrmandarǵa arnalǵan aýyl kitaphanasy da Mádenıet úıiniń ishinde ornalasqan.
Nysannyń saltanatty ashylý rásimine barǵan aýdan ákimi Almas Abdınovtiń aıtýynsha, Alakól aýdanynda 16 mádenıet úıi, 23 kitaphana, 2 mýzeı jáne 1 arhıv halyqqa úzdiksiz qyzmet etip keledi. Solardyń qataryna endi 150 oryndy taǵy bir jańa mádenıet úıi qosylyp otyr.
«Aýdanymyzda mádenıet salasynyń damýyna baǵyttalǵan kóptegen ıgi shara júzege asyrylýda. Munyń ózi bolashaqqa salynǵan senimdi ınvestısııa deýge bolady. Aldaǵy ýaqytta Jaǵatal, Jaıpaq aýyldaryna blokti-modýldik mádenıet úıin ornatýǵa bıýdjetten qarajat bólindi», dedi aýdan ákimi A.Abdınov.
Aýdan turǵyndary atynan rızashylyǵyn bildirgen ardagerler keńesiniń múshesi Tursynhan Ahmetov «Búgin – biz úshin kópten kútken qýanyshty kún. Uzaq jyldan beri jańa Mádenıet úıi ashylsa dep júrgenbiz. Buryn balalarymyzdyń bos ýaqytyn ótkizip, ózderin damytýǵa arnalǵan arnaıy oryn bolmap edi. Endi mine, balalarymyz túrli úıirmelerge qatysyp, ónerin shyńdaıtyn bolady. Jańa Mádenıet úıi halyq ıgiline qyzmet ete bersin», dep quttyqtaý tilegin jetkizdi.
О́ńir ákiminiń baspasóz qyzmetiniń málimetshinshe, Aqjar aýyly – aýdan ortalyǵy Úsharal qalasynan 70 shaqyrym qashyqtyqta ornalasqan. Aqjar okrýgine 3 eldi meken – Aqjar, Qońyr, Maılyshat aýyldary qaraıdy. Jalpy halyq sany – 2 170 adam, sonyń ishinde 540-y – jastar.
Jetisý oblysy