L.N.Gýmılev atyndaǵy Eýrazııa ulttyq ýnıversıteti bakalavrıat deńgeıindegi oqý úderisine birshama ózgeris engizip jatyr. 2024-2025 oqý jylynan bastap 1-kýrs stýdentteri jasandy ıntellekt salasyn oqyp, ǵylymı zertteýler júrgizedi.
Jańa oqý jylynda ýnıversıtet barlyq pedagogıkalyq baǵyt boıynsha bakalavrıat deńgeıine arnalǵan «Minor» baǵdarlamasyn engizedi. Stýdentter ınklıýzıvti bilim berýdiń úsh qosymsha pánin oqıdy: «Inklıýzıvti synypta oqytýdyń ámbebap dızaıny», «Erekshe bilim berýdi qajet etetin balanyń otbasyna psıhologııalyq-pedagogıkalyq qoldaý kórsetý» jáne «Erekshe bilim berýdi qajet etetin tulǵalardy tıýtorlyq qoldaý». Osy baǵytta ýnıversıtet qyzmetkerleri erekshe bilim berý qajettilikteri bar stýdenttermen jumys isteý baǵytyndaǵy oqytýshylarǵa arnalǵan ádistemelik usynymdar ázirledi.
– Jyl saıyn tehnıkalyq, ınjenerlik jáne pedagogıkalyq mamandyqtardy meńgerýge nıet bildirgender sany artyp keledi. Bizdiń ýnıversıtet eńbek naryǵynyń qajettilikterine jáne tehnologııanyń damýyna sáıkes bilim berý baǵdarlamalaryn únemi jetildiredi ári jańalaryn ázirleıdi. Jumys berýshilermen, sheteldik ýnıversıtettermen, iri kompanııalarmen birlesip, eńbek naryǵynyń suranysy boıynsha jańa ınnovasııalyq bilim berý baǵdarlamalaryn ázirlep jatyrmyz. Qazir 40-qa jýyq ınnovasııalyq baǵdarlama bar. Olardyń 18-i pedagogıkalyq, ınjenerlik jáne tehnıkalyq baǵyttardy qamtıdy. Oqý ornynda oqytý úderisi úsh tilde júrgiziledi jáne 45 bilim berý baǵdarlamasy aǵylshyn tilinde qarastyrylǵan. Sondaı-aq ýnıversıtetimiz qysqartylǵan bilim berý baǵdarlamasy boıynsha úsh jyl matematıka páni muǵalimderin daıarlasa, bıyl «Ǵaryshtyq tehnıka jáne tehnologııalar» bilim berý baǵdarlamasy boıynsha doktorantýra ashyldy, – dedi ýnıversıtettiń Akademııalyq máseleler departamentiniń dırektory Baıjuman Qashqynbaı.
Ulttyq ýnıversıtette pedagogıkalyq, ınjenerlik, tehnıkalyq baǵyttaǵy joǵary bilikti kadrlardy daıarlaýǵa kóp kóńil bólinedi. Qazirgi tańda oqý ordasynda osy salalarda úsh deńgeı boıynsha 12 myńnan astam stýdent bilim alyp jatyr. 244 bilim berý baǵdarlamasynyń 100-i pedagogıkalyq, ınjenerlik-tehnıkalyq baǵyttar boıynsha qarastyrylǵan.
Daryndy jastardy ǵylymǵa tartý maqsatynda 2024-2025 oqý jylynan bastap bakalavrıat baǵdarlamalaryna eki jańa modýl engiziledi. Olardyń biri ǵylymı komponentti qarastyrady. Stýdentter oqýdyń birinshi jylynan zertteý jumystarymen aınalysady. Ekinshisi – modýl jasandy ıntellektini zertteýge baǵyttalǵan. Stýdentter osy baǵytta bilimin keńeıtip, ozyq sıfrlyq tehnologııalardy meńgeredi dep kútilip otyr.
Nurdáýlet KÁRIBAI,
Qoja Ahmet Iаsaýı atyndaǵy halyqaralyq qazaq-túrik ýnıversıtetiniń 2-kýrs stýdenti