Atyraý oblystyq balalar aýrýhanasyna eń qymbat qurylǵy satyp alyndy. Jańa qurylǵynyń quny – 100 mln teńge.
Oblystyq densaýlyq saqtaý basqarmasynyń basshysy Qaısar Abdalıevtiń aıtýynsha, zamanaýı qurylǵyny satyp alýǵa «Qazaqstan halqyna» qory demeýshilik kórsetti. Osylaısha, aýrýhananyń neırohırýrgııa bólimshesi jańa medısınalyq quraldarmen tolyqty. Onyń ishinde operasııaǵa arnalǵan ústel, neıronavıgasııa qurylǵysy men neıromonıtor, operasııa kezinde qoldanylatyn qosalqy bólshekteri bar.
Balalar aýrýhanasy dırektorynyń emdeý isi jónindegi orynbasary Erbol Esbolaevtyń aıtýynsha, atalǵan qurylǵylardyń, onyń ishinde operasııa ústeliniń mańyzy zor. О́ıtkeni endi kúrdeli operasııalardy jergilikti jerde jasaýǵa bolady.
«Biz bas súıeginde, mı men julynda týabitti nemese keıin paıda bolatyn isik, ózge de jaraqattardy tolyq emdeýge múmkindik alyp otyrmyz. Neıromonıtordyń operasııa kezinde belgili bir patologııanyń ený jolyn dál tabýǵa septigi mol. Bul – mıdaǵy patologııalardy tez anyqtaýǵa múmkindik beretin ınnovasııalyq qurylǵy», deıdi E.Esbolaev.
Onyń aıtýyna qaraǵanda, aýrýhana dárigerleri jańa qurylǵymen alǵashqy operasııany sátti jasady. Operasııa ústeline jelkesinde isigi bar eki jasar bala jatqyzylǵan. Jańa qurylǵynyń kómegimen balaqaıdyń jelkesindegi isik alynyp tastaldy.
Atyraý oblysy