L.N.Gýmılev atyndaǵy Eýrazııa ulttyq ýnıversıtetinde Álemdik jáne dástúrli dinder lıderleri seziniń 2023-2033 jyldarǵa arnalǵan damý tujyrymdamasyn ilgeriletýge baǵyttalǵan dáris ótti. Is-sharanyń maqsaty – sezdiń odan ári damýy, onyń qazirgi álemdegi dinaralyq dıalog pen yntymaqtastyqty damytý men nyǵaıtýdaǵy rólin kórsetý.
Dáriske ýnıversıtettiń jýrnalıstıka jáne dintaný mamandyqtarynda bilim alyp jatqan stýdentter qatysty. Konfessııaaralyq jáne órkenıetaralyq dıalogti damytý jónindegi N.Nazarbaev ortalyǵynyń basqarma tóraǵasy Bolat Sársenbaev stýdentterdi, magıstranttardy jáne pedagogıkalyq ujymdy beıbit ómir súrýdiń, tolerantty qoǵam qurýdyń jáne konfessııaaralyq dıalogtiń qazaqstandyq úlgisimen tanystyrdy. Sondaı-aq Álemdik jáne dástúrli dinder kóshbasshylarynyń VII seziniń qorytyndylary jáne tujyrymdamanyń beıbitshilik ıdeıalaryn ilgeriletýdegi erekshe róli talqylandy.
«Damý tujyrymdamasy Prezıdent Q.Toqaevtyń bastamasymen sezdiń jahandyq qoǵamdastyqta dinaralyq dıalog alańyn nyǵaıtý maqsatynda ázirlendi. Bul – bilim berý mekemesi men jalpy sala úshin tujyrymdama jáne onyń mádenıet, din, órkenıetter dıalogin damytýdaǵy mańyzy týraly tolyq aqparat alýdyń biregeı múmkindigi», dep atap ótti ol.
N.Nazarbaev ortalyǵy elimizdiń jetekshi oqý oryndary – Ál-Farabı atyndaǵy QazUÝ, Nazarbaev ýnıversıtet, M.S.Nárikbaev atyndaǵy KAZGUU, «Nur-Múbarak» Egıpet ıslam mádenıeti ýnıversıteti bazasynda sezdiń damý tujyrymdamasyn, onyń negizgi joldaýlaryn túsindirý boıynsha dárister toptamasyn josparlaǵanyn atap ótken jón. Aıta ketsek, bul qujat sezdi 2033 jylǵa deıingi odan ári damytýdyń jalpy kózqarasyn, mıssııasyn, maqsattary men baǵyttaryn aıqyndaıdy. Ony 2023 jylǵy qazanda Astanada ótken HHI Sezd Hatshylyǵyna qatysýshylar qabyldady.
Sezdiń aldaǵy onjyldyqtaǵy damýynyń jańa paradıgmasynyń bóligi retinde forým mıssııasy – álemdik jáne dástúrli dinder qaýymdastyǵy arasyndaǵy ózara túsinistik pen qurmetti odan ári nyǵaıtý, sondaı-aq qaýipsiz jáne gúldengen bolashaq úshin rýhanı dıplomatııanyń áleýetin iske asyrý. Sezd halyqaralyq uıymdardyń, úkimetterdiń, úkimettik emes uıymdardyń jáne ǵylymı qurylymdardyń ókilderi úshin ashyq dinı kóshbasshylar arasyndaǵy dıalog pen yntymaqtastyqtyń jahandyq alańy retinde damıdy.