Senat depýtaty Andreı Lýkın Ujymdyq qaýipsizdik týraly shart uıymyna múshe memleketterdiń Halyqaralyq ister, qorǵanys jáne qaýipsizdik komıtetteri tóraǵalarynyń III keńesine qatysty.
Qazaqstan 2024 jylǵy 1 qańtardan bastap UQShU-ǵa tóraǵalyq etip keledi. Memleket basshysy Qasym-Jomart Toqaev ótken jyldyń qarasha aıynda Mınskide ótken UQShU Ujymdyq Qaýipsizdik Keńesiniń otyrysynda Qazaqstannyń tóraǵalyq etýindegi basymdyqtardy tanystyrǵan bolatyn. Senator Lýkın búgingi keńes barysynda osy basymdyqtar týraly jan-jaqty aıtyp berdi.
«Qazaqstan BUU-men yntymaqtastyqty nyǵaıtýdy jáne Táýelsiz Memleketter Dostastyǵymen jáne Shanhaı yntymaqtastyq uıymymen yntymaqtastyqty tereńdetýdi josparlap otyr. Tabıǵı jáne tehnogendik sıpattaǵy tótenshe jaǵdaılardyń aldyn alý jáne olardyń saldaryn joıý salasyndaǵy ózara is-qımyldy damytýǵa erekshe nazar aýdarylatyn bolady. Qarý-jaraqtyń zańsyz aınalymyna jáne uıymdasqan transulttyq qylmysqa qarsy kúreste birlesken kúsh-jigerdi arttyrý mańyzdy dep sanaımyz. Jalpy, Qazaqstannyń tóraǵalyq etýdegi basymdyqtary UQShU-ny odan ári qarqyndy damytýǵa baǵyttalǵan», dedi depýtat.
Andreı Lýkın sonymen qatar áriptesterin Qazaqstannyń tóraǵalyq etý kezeńindegi UQShU-nyń negizgi is-sharalarynyń kestesimen tanystyrdy.