Tanymal opera ánshisi Bıbigúl Tólegenova búginde án aıtýdy qoıǵanyn málimdedi, dep habarlaıdy Egemen.kz aqparat agenttigi.
Qazirgi tańda 94 jasqa kelgen óner ıesi jaqynda "Tańsholpan" baǵdarlamasyna qonaq bolyp, qazirgi ahýalyn baıandady.
- Mynaý roıalǵa kelesi jyly 50 jyl bolady. Mynaý roıal - meniń dosym, jubaıym ári balam. Osydan basqa eshkimim joq. Árıne, bala-shaǵam bar. Sondyqtan men arasynda án úırenip, ózimshe daýysymdy jóndep otyramyn. Alaıda, qazir qoıdym. 90 jastan keıin bárin ysyryp tastadym. Sharshadym. Shabal Beısekova "Sen uzaq án aıtasyń. Keıin sharshaısyń" deıtin. Shynymdy aıtsam, ánnen sharshadym. Tipti aspapqa jaqyndaǵym kelmeıdi, - dedi Bıbigúl Tólegenova.