Osydan berer kún buryn Qurlyqtyq hokkeı lıgasynda (QHL) kúsh synasyp júrgen «Barys» býllıt soǵý barysynda Sankt-Peterbýrgtiń SKA-synan jeńilgen edi.
Sol sátsizdikten keıin jerlesterimiz pleı-off básekelerine qatysý múmkindiginen túbegeıli aıyryldy. Endi bıylǵy maýsymda olar Gagarın kýbogine qatyspaıdy. Odan keıin elordalyq hokkeıshiler Máskeýdiń «Spartak» klýbyn qabyldady. Báseke bastalǵan bette tizgindi qolǵa alǵan qonaqtardyń oıynshylary Aleksandr Pashın men Maksım Syplakov qatarynan eki ret nysanany dál kózdedi. Úzilisten keıin Ansel Galımov úshinshi goldy soqsa, kóp uzamaı Kırıll Savıskıı sál bolsa da, esep aıyrmashylyǵyn qysqartty. Al úshinshi kezeńde Nıkolaı Goldobın kezdesýdiń sońǵy núktesin qoıdy – 1:4.
Osylaısha, «Barys» qatarynan onynshy oıynda opyq jedi. О́ziniń kelesi kezdesýin olar 13 aqpanda Vladıvostokta jergilikti «Admıral» klýbyna qarsy ótkizedi.