Naýryz aıynyń basynda О́zbekstannyń bas shahary Tashkentte dzıýdodan Grand Slam týrnıriniń jalaýy jelbireıdi. Bul jarysta Qazaqstannyń 26 balýany baq synaıdy.
Erler quramasynyń bas bapkeri Nurbol Súleımenov jýyrda ǵana Parıjde ótken dodada kúsh synasqan shákirtteriniń barlyǵyn da osy synǵa qosýdy qup kórgen eken. Fransııanyń astanasynda bizdiń jigitterdiń arasynan 100 kg salmaqtaǵy Nurlyhan Sharhan ǵana jeńis tuǵyryna kóterilip, qola medaldi ıelendi. Qalǵany utyldy. Sóıtip, Tashkentte Eldos Smetov, Nurqanat Serikbaev (60 kg), Eset Qýanov, Ǵusman Qyrǵyzbaev (66 kg), Danııar Shamshaev, Asqar Narqulov (73 kg), Abylaıhan Jubanazar, Rýslan Musaev (81 kg), Aıdar Arapov, Ermahan Ánýarbekov (90 kg), Bekzat Shaǵataev, Nurlyhan Sharhan (100 kg), Erasyl Qajybaev, jáne Ǵalymjan Qyryqbaı (+100 kg) el namysyn qorǵaıdy.
Erlan Alpysbaev jattyqtyratyn áıelder komandasy Grand Slam týrnırinde myndaı quramda óner kórsetedi: Ábıba Ábýjaqynova, Ǵalııa Tynbaeva (48 kg), Balnur Ábdeshova, Tolǵanaı Ábeýova (52 kg), Baqyt Qusaqbaeva (57 kg), Esmıgúl Kýıýlova, Krıstına Sotnıkova (63 kg), Ekaterına Tokareva (70 kg), Arýna Jangeldına, Margarıta Grısenko (78 kg), Kámıla Berliqash jáne Nazgúl Maratova (+78 kg).