Qonaev qalalyq kópsalaly aýrýhanasynda jańa medısınalyq qurylǵy synaqtan ótti. Dáriger-hırýrg Asqar Turarbekov pen Abylaı Altaıuly ót-tas aýrýymen, dálirek aıtsaq, sozylmaly kalkýlezdi holesıstıtpen aýrýhanaǵa túsken naýqasqa laparoskopııalyq holesıstektomııa operasııasyn sátti jasap shyqty. Operasııa jańa qurylǵy Mindray 4k beıne endoskopııalyq júıesi arqyly oryndaldy.
Hırýrg Asqar Turarbekov atalǵan apparatqa joǵary baǵasyn berip otyr. Sebebi bul qurylǵy naýqastyń aýrýǵa shaldyqqan dene múshesin aıqyn kórsetip, operasııanyń sátti ótýine yqpal etken. Dárigerler operasııa kezinde, tipti kózderiniń aýyrmaǵanyn alǵa tartty.
Medısınalyq mekemeniń dırektory Aıman Rakıshevanyń sózinshe, apparatty synaqtan ótkizý durys tańdaý jasalǵannyń naqty dáleli bolsa kerek. Sondaı-aq ol endoskopııany eshqandaı aýyrsynýsyz ári qaýipsiz túrde jasaýǵa múmkindik ashylǵanyn atap ótti.
О́z kezeginde hırýrg Abylaı Sákenov qurylǵynyń negizgi fýnksııalary sensorlyq ekran arqyly júretinin túsindirdi. Monıtor naýqastyń dertke shaldyqqan jerin dál tabýǵa kómektesken.
Qonaev qalasynyń dárigerleri úshin bul jabdyq laparoskopııaǵa arnalǵan taptyrmas qurylǵy sanalady. Mamandar Mindray HD-3-ti jalpy hırýrgııada ǵana emes, sonymen qatar keýde hırýrgııasy, ýrologııa, gınekologııa, ortopedııa jáne basqa salalarda da qoldanýǵa bolatynyn aıtady.
Almaty oblysy