Keńes jumysynyń baǵyty talqylanǵan sapar

S.Lavrovpen áńgimelesý ba­ry­synda AО́SShK keńistiginde bo­lyp jatqan úderister, osy alań­­dy odan ári damytý pers­pek­­tıvalary, sondaı-aq Reseı­diń AО́SShK-ge qatysýy men úlesi talqylandy. Mınıstr Reseı­diń Keńes jumysyna qol­daý kórsetetinin rastady. О́z keze­ginde Q.Sarybaı Reseıdiń AО́SShK aıasyndaǵy qyzmetin, Keńes­ti nyǵaıtýǵa jáne ony tolyq­qandy halyqaralyq uıym­ǵa aınaldyrýǵa baǵyttalǵan kóptegen bastamasyn joǵary baǵalady.

Budan keıin Q.Sarybaı Reseı Syrtqy ister mınıstriniń oryn­basary Andreı Rýden­ko­men, Syrtqy ister mınıstr­ligi­niń Azııa-Tynyq muhıty ynty­maqtastyǵy dırektory Alekseı Ovchınnıkovpen kezdesti. Eki­jaqty áńgime barysynda VI sammıt kezinde qabyldanǵan she­shimge sáıkes AО́SShK trans­­formasııalaý jumysyn júz­e­ge asyrý joldary, onyń kele­shegi jáne kezeńderi egjeı-tegjeı talqylandy. Kezdesýde AО́SShK-niń zamanaýı geosaıası ortadaǵy biregeı róline erekshe mán berildi. Sonymen qatar ıkemdi kózqarasy da erekshe atap ótildi.

Taraptar júzege asyrylatyn reformalarǵa qatysty kóz­qarasy men ustanymy or­taq ekenine nazar aýdaryp, júr­gizilip jatqan jumystarǵa kóńi­li tolatynyn jetkizdi. AО́SShK-niń bıylǵa jos­par­lanǵan is-sharalary talqy­landy. Atap aıtqanda, Astanada ótetin volonterlik qozǵalys máselelerine arnalǵan AО́SShK Jastar keńesiniń otyrysy tal­qylandy. Sondaı-aq Keńes­tiń qorshaǵan ortany qorǵaý máseleleri boıynsha mınıstr­ler kezdesýine daıyndyq barysy sóz boldy. Budan bólek, 2024 jyldyń ekinshi jartysynda ótetin Iskerlik keńes pen Bıznes forýmnyń otyrys­tary áńgime arqaýyna aınaldy. AО́SShK aıasyndaǵy ózara is-qımyldyń basqa da ózekti máseleleri qozǵaldy.

Reseı Syrtqy ister mı­nıstri­niń orynbasary Alek­sandr Pankınmen kezdesýde Keńes perspektıvalary tal­qylandy. Eýrazııa qurlyǵyn­daǵy kópjaqty mehanızmder men halyqaralyq uıymdardyń ózara árekettesýiniń qalypta­syp kele jatqan jelilik qury­ly­my sóz boldy. Taraptar AО́SShK-niń ózara baılanys­ty damytýdaǵy mańyzdy róli, sonyń ishinde ekonomıkalyq, tehnologııalyq, gýmanıtarlyq, mádenı jáne basqa da baılanys­tardy nyǵaıtýdaǵy ornyna nazar aýdardy.

Bas hatshy Reseı Syrtqy ister mınıstriniń orynbasary Mı­haıl Bogdanovpen kezde­sýinde Batys Azııa aımaǵyndaǵy ahýaldy talqylap, qaqtyǵysty báseńdetý jáne turaqtylyq kelisimine qol jetkizý úshin múd­deli taraptar arasynda dıa­log ornatýdaǵy AО́SShK áleýetin talqylady.

Reseı Syrtqy ister mı­nıstr­ligi Ekinshi Azııa depar­tamentiniń dırektory, Reseı prezıdentiniń Aýǵanstan boıynsha arnaıy ókili Zamır Kabýlovpen áńgime barysynda Keńeske múshe memleket Aýǵanstandy halyq­aralyq qatynastar júıesi­ne qaıtarý baǵytynda pikir al­masty. Uıymnyń osy elge kó­mek­tesý jónindegi halyqaralyq kúsh-jigerge úlesi aıtyldy.

Q.Sarybaı sondaı-aq AО́SShK taldaý ortalyqtary fo­­rýmynda Reseı atynan ókil­dik etetin Halyqaralyq qaty­nastar jónindegi Máskeý mem­lekettik ınstıtýtynyń janyn­daǵy Qytaı, Shyǵys Azııa jáne ShYU ortalyǵynyń dırektory Aleksandr Lýkınmen kezdesti. Uıymnyń múshe-memleket­terin ǵylymı-taldamalyq qam­ta­masyz etý maqsatynda turaq­ty ózara is-qımyl alańyn belsen­dirý boıynsha naqty sharalar men bastamalar talqylandy.

Sapar barysynda AО́SShK bas hatshysy «Shaǵyn jáne orta kásipkerlikti damytý jónindegi federaldyq korporasııasy» AQ bas dırektorynyń orynbasary Nıkıta Bansekın jáne osy uıymnyń Halyqaralyq qyzmet dıreksııasynyń basshysy, AО́SShK Iskerlik bas­qar­ma tóraǵasynyń orynbasary Pavel Kondrashovpen kez­des­ti. Oty­rys barysynda AО́SShK Isker­lik keńesi qyzmeti­niń ártúrli aspektileri, sessııa­aralyq kezeń­degi qyzmetiniń mazmuny, uıym elderindegi shaǵyn jáne orta bıznes ókilderiniń halyqaralyq yntymaqtastyǵyn qoldaýǵa baǵyttalǵan jańa bastamalar qozǵaldy.

Bas hatshy Q.Sarybaı Reseıdegi jetekshi buqaralyq aq­parat quralynyń biri «Ros­sııskaıa gazeta» basylymyna keń kólemde suhbat berdi.