Germanııanyń Drezden qalasynda short-trekten Álem kýboginiń kezeńdik saıysynyń shymyldyǵy túrildi.
Qazaqstannyń beldi sportshylarynyń biri Ádil Ǵalıahmetov 1 000 metr qashyqtyqtyń fınalynda baq synady. Máre syzyǵyn úshinshi bolyp qıyp ótken qandasymyz qola medaldy moınyna ildi. Ádil tek Ońtústik Koreıanyń qos sańlaǵy – eresekter men jastar arasyndaǵy álem chempıony, Dúnıejúzilik Ýnıversıadanyń úsh dúrkin jeńimpazy Pak Djıvon men kóptegen halyqaralyq dodada dara shyqqan Chan Sýnvýdan ǵana qalyp qoıdy.
500 metrlik saıysta tájirıbeli Denıs Nıkısha kómbege birinshi bolyp jetti. Alaıda tóreshiler «erejeni óreskel buzdy» degen jeleýmen jerlesimizdi bas júldeden aıyrdy. Sonyń kesirinen Denıs besinshi oryndy qanaǵat tutty.