Japonııanyń Honsıý aralyǵyndaǵy Hatonohe qalasynda konkıden jasóspirimder arasyndaǵy álem birinshiligi ótip jatyr.
Kúni keshe ǵana Kúnshyǵys elinen «Qazaqstan quramasy qos júldeni oljalady» degen qýanyshty habar jetti. Atap aıtsaq, iz kesý jarysynda quramynda Krıstına men Alına Shýmekova jáne Marııa Degen syndy júırikteri bar komandamyz qola medaldy ıelendi. Bul básekede japon qyzdary aldaryna jan salmasa, Nıderlandtyń burymdylary kúmis medaldy enshiledi.
Arada bir saǵatqa jeter-jetpes ýaqyt ótkende Darıa Gavrılova jáne apaly-sińli Shýmekovalar sprıntshilerdiń saıysynda kúmis júldeni oljalady. Bul básekede jerlesterimiz Qyzǵaldaqtar eli konkıshilerinen ǵana oza almady. Úshinshi orynda – Kanada quramasy.