Áleýmettik jelidegi paraqshasynda belgııalyq otbasy asyrap alǵan 21 jastaǵy Eddı Jan - Jánibek Qazaqstandaǵy áıelderge ótinish jasady, dep habarlaıdy Egemen.kz aqparat agenttigi.
Beınejazbada Jánibek óziniń aýysyp ketkenin qabyldaý qıynǵa soǵyp jatqanyn da jasyrmaǵan.
"Sálem, dostar.
Men týǵan jerime Qazaqstanǵa barǵannan keıin jergilikti medıada shetelge bala satý máselesi jıi talqylana bastady. Biraq, men shynymen aýysyp ketken sııaqtymyn. Maǵan bul oıdy qabyldaýdyń ózi qıyn. О́ıtkeni meni emes, basqa balany asyrap alýy kerek edi. Men jaqynda bıologııalyq anamdy tabamyn dep úmittenemin. Arqalyq polısııa basqarmasy perzenthana men balalar úıinde qylmystyq is boıynsha jumys istep jatyr. Menimen jasty uly bar áıeldiń bári DNQ tapsyrsa degen ótinishim bar. Maǵan qoldaý kórsetkendirińiz úshin raqmet, jańalyq bolsa, aıtyp otyramyn", - deıdi ol.
Sonymen qatar, ol bala kezindegi sýretin kórsetip, onyń qashan, qaıda túsirilgenin baıandaıdy.
"Qurmetti ákeler, analar, uldar men qyzdar!
Anam tabylsa, ózimniń kim ekenimdi bilsem degen armanymnyń aldaǵy ýaqytta oryndalatynyn júregimmen sezip júrmin.Osy suraqtyń jaýabyn tabý jolynda úlken is atqaryp jatqanymyz týraly aıtqym keldi.
Vıdeodaǵy sýretim 2003-2004 jyldary túsirilgen bolsa kerek, bul Arqalyqtan alǵan alǵashqy foto. Bul foto meni asyrap alýǵa qatysty resmı qujattarda paıdalanylǵan.
Sizderge de sáttilik tileımin, kezdeskenshe", - dep jazǵan Jánibek.