Ulttyq Olımpıada komıtetiniń prezıdenttigine boksshy Gennadıı Golovkınniń kandıdatýrasy usynyldy, dep habarlaıdy Egemen.kz.
14 aqpanda QR Ulttyq Olımpıada komıtetiniń Táýelsiz saılaý komıssııasynyń otyrysy ótken. Shara barysynda komıtet prezıdenttigine kandıdattardy usyný máselesi qaraldy
«Federasııalar UOK prezıdenttigine Gennadıı Gennadıevıch Golovkınniń kandıdatýrasyn usyndy», delingen komıtettiń UOK bas assambleıasynyń múshelerine joldaǵan resmı hatynda.
Bokstan burynǵy álem chempıony UOK basshysy retinde qazaqstandyq mıllıarder Tımýr Qulybaevtyń ornyna keledi degen derek bir apta buryn taraı bastaǵan.
Aıta keteıik, 41 jastaǵy Golovkın sońǵy ret rıngke 2022 jyldyń qyrkúıeginde shyqqan, ol trılogııada Las-Vegasta (AQSh) meksıkalyq Saýl Kanelo Alvaresten jeńilgen bolatyn.
Kóp uzamaı GGG WBA, IBF jáne IBO tujyrymdary boıynsha orta salmaqtaǵy álem chempıondyq tıtýldaryn qaıtaryp berdi. Golovkın kásibı sportta 42 jeńiske jetti (onyń 37-si nokaýtpen), eki jeńilis pen bir teń oıyn kórsetti.