Tennısten Dohada ótip jatqan WTA-1000 dodasynda Elena Rybakına (№4) tabysty óner kórsetip jatyr. Ol alǵashqy aınalymda bos bolyp, kelesi kezeńde qytaılyq Chjý Lındi (№57) utty.
Keshe elimizdiń birinshi raketkasy ıspanııalyq Emma Navarromen (№23) sheberlik synasty. Birinshi sette Elena qarsylasyn ońaı eńsergenimen, ekinshisinde taı-breıkte ese jiberdi. Desek te, sheshýshi kezeńde qarqynyn kúrt kúsheıtken otandasymyz bul básekeni óz paıdasyna sheshti – 6:1, 6:7, 6:4. Shırek fınalda Rybakına kanadalyq Leıla Fernandespen (№38) kezdesedi. Manamada uıymdastyrylǵan týrnırde Mıhaıl Kýkýshkın de (231) dál mejege jetti. 1/8 fınalda ol shveısarııalyq Aleksandr Rıchardtan (№181) basym tústi – 6:4, 6:1.
Al Aleksandr Býblık (№23) Rotterdamdaǵy ATP-500 jarysynyń ekinshi kezeńinen asa almady. Otandasymyz kezinde álemdegi úzdik úsh tennısshiniń qataryna engen, qazirgi kezde 309-satyǵa turaqtaǵan Kanadanyń ókili Mılosh Raonıchten oıda-joqta utyldy – 4:6, 4:6.