Buǵan deıin Qazaqstan musylmandary dinı basqarmasynyń Sharıǵat jáne pátýa bólimi 2024 jylǵy dinı kúnder kestesin bekitken edi, dep habarlaıdy Egemen.kz.
Pátýa mamandary dinı merekelerdiń naqty kúnderi jańa Aıdyń kórinýine baılanysty kórsetilgen ýaqyttan bir kún shegerilýi nemese alǵa jyljýy múmkin ekenin eskertti.
Dese de nazarǵa usynylǵan kúntizbege sáıkes, 2024 jyly Ramazan aıy 11 naýryzda bastalady.
Al qasıetti Qadir túni 5 sáýirden 6-syna qaraǵan túnge sáıkes kelip tur.
Barsha musylmannyń taǵy bir qasıetti meıramy - Oraza aıt 10 sáýirge belgilendi. Qurban aıttyń birinshi kúni 17 maýsymǵa sáıkes keldi.
Múftııat Hıjrı aılardyń bastalýy halyqaralyq astronomııalyq zertteý ortalyqtarynyń málimetteri negizinde jasalatynyn eske saldy.