Aýa raıynyń qolaısyzdyǵyna qaramastan, kez kelgen ýaqytta naýqastarǵa jedel jetip, bastapqy medısınalyq kómek kórsetetin jedel járdem stansasy qyzmetkerleriniń eńbegi zor ekeni anyq. Oǵan jeltoqsan aıynda Shý, Qordaı aýdandarynda, qańtar aıynda Jýaly aýdany aýmaǵynda bolǵan at qulaǵy kórinbeıtin boran kezinde de kóz jetkizdik. Avtokólik jete almaǵan mekenjaılarǵa jaıaý barǵan aq halatty abzal jandardyń eńbegi eleýli.
Sarshunaq aıazda jolda qalǵan jolaýshylar men jol apatynan jaraqat alǵan azamattarǵa jedel kómek kórsetken meıirbıkelerdiń eńbegi eskerýsiz qalǵan joq. О́ńirdegi alǵashqy medısınalyq kómek uıymdaryna 40 jedel járdem kóliginiń kilti tabystaldy. Osylaısha, tozyǵy jetken tehnıkanyń ornyn sý jańa avtokólikter almastyrdy. Bul, árıne, sala qyzmetkerlerine kórsetilgen zor qamqorlyq ekeni daýsyz.
Oblys ákimdigi baspasóz qyzmeti keltirgen derekke júginsek, óńirdegi jedel járdem kólikterin jańartý jumystary osy jyly qarqyndy júrgizilmek. Nátıjesinde, eskirgen tehnıkany edáýir jańartýǵa múmkindik týady. Jyl basynda 40 avtokóliktiń kiltin tapsyrǵan jergilikti atqarýshy bılik 2024 jyly sala qyzmetkerlerine taǵy 30 birlik qyzmettik kólik tabystaýdy josparlap otyr. Nátıjesinde, tehnıkanyń tozý kórsetkishi 47 paıyzdan 17 paıyzǵa deıin tómendemek. Osylaısha, jergilikti atqarýshy bılik jyldar boıy qordalanǵan máseleni sheshýdi qolǵa almaq. Bul – árıne, quptarlyq qadam.
«Qaı deńgeıde bolsyn, óńir halqynyń densaýlyǵyna basa nazar aýdarýymyz kerek. Bul – Memleket basshysy Qasym-Jomart Toqaev saıasatynyń basym baǵyttarynyń biri. О́ńir turǵyndarynyń densaýlyǵyn jaqsartý – barshamyzdyń ortaq mindetimiz. Árbir turǵynnyń tilegi nazardan tys qalmaýy kerek dep esepteımin. Sol úshin judyryqtaı jumylyp eńbek etýimiz kerek. Sondyqtan da medısına salasyn órkendetýge erekshe den qoıyp otyrmyz. Sala qyzmetkerleri birinshi kezekte sapaǵa nazar aýdarǵany abzal. Kún-tún demeı eńbek etip júrgen jedel járdem qyzmetiniń eńbegi qaı kezde de joǵary baǵaǵa laıyq. Meıirbıkelerdiń tynbaı ter tógip júrgeni barshamyzǵa aıan. О́ńirde aq halatty abzal jandardyń qyzmeti sapaly ári qoljetimdi bolýy kerek. Biz sol úshin de sala qyzmetkerlerine qoldan kelgenshe qoldaý kórsetip jatyrmyz. Qazirgi ýaqytta medısına mekemeleriniń ǵımarattaryn jańartyp, materıaldyq-tehnıkalyq bazasyn nyǵaıtý jumystaryn jalǵastyrýǵa nıettimiz. О́ıtkeni ult saýlyǵy qaı kezde de mańyzy ekeni túsinikti», dedi óńir basshysy Erbol Qarashókeev jańa avtokólikterdi tabystaý rásiminde sóılegen sózinde.
Jambyl jedel járdem stansasy baspasóz qyzmeti keltirgen derekke júginsek, oblys boıynsha 93 jedel járdem brıgadasy úzilissiz jumys isteıdi. Onyń 53-i aýdandarda bolsa, qalǵan 40 brıgada oblystyq deńgeıde eńbek etip júr. Jalpy alǵanda, óńirdiń medısına salasyn órkendetý jumystary sońǵy ýaqytta qarqyndy júrgizilip jatqany anyq. Túrli baǵdarlamalar aıasynda medısına nysandaryn jańartýǵa basymdyq berilip otyr.
2023 jyly oblys boıynsha 3,2 mlrd teńgege 24 medısınalyq nysanǵa túrli deńgeıde qurylys jumystary júrgizilgen. Bul ǵımarattardyń 10-nyń (1,7 mlrd teńge) qurylysy «Aýyldyq densaýlyq saqtaýdy jańǵyrtý» Ulttyq jobasy aıasynda qolǵa alynǵanyn aıta ketken lázim. Jyl qorytyndysyna sáıkes, joǵaryda aıtylǵan 24 nysannyń 19-y paıdalanýǵa berilgen eken. Sondaı-aq 1,5 mlrd teńgege 11 nysan kúrdeli jóndeýden ótkenin aıta ketken jón.
О́ńirde qaterli isik dertine shaldyqqan azamattarǵa qoldan kelgenshe jaǵdaı jasaý máselesi de mańyzdy bolyp tur. Aty jaman aýrýmen syrqattanǵan turǵyndar endi jańa ǵımaratta em qabyldap jatyr. Byltyr jalpy quny 14,1 mlrd teńgege salynǵan oblystyq onkologııalyq dıspanserde naýqastarǵa kómek kórsetýdiń barlyq alǵysharty qarastyrylǵan eken.
Qalaı desek te óńirdiń medısına salasynyń jumysyn órkendetýge keıingi ýaqytta qoldan kelgenshe qoldaý kórsetilip jatqany daýsyz. Oblys ákimi E.Qarashókeevtiń tapsyrmasy negizinde salaǵa jaýapty laýazymdy tulǵalar da barlyq baǵyttaǵy jumysty júıelep jatyr.
«Aýyldyq densaýlyq saqtaýdy jańǵyrtý» Ulttyq jobasy aıasynda bıyl da aýqymda ister qolǵa alynbaq. Derekke sensek, osy jyly 20 nysannyń qurylysyn júrgizý josparlanǵan.
Jambyl oblysy