Almaty oblysy boıynsha Sybaılas jemqorlyqqa qarsy qyzmet «Almaty oblysy Ile aýdanynyń bilim bólimi» MM basshysyna qatysty sotqa deıingi tergeý amaldaryn bastady, dep habarlaıdy Egemen.kz.
Antıkor habarlamasyna sáıkes, ol Ile aýdanynyń orta mektepterinde is júzinde jumys istemegen adamdarǵa zańsyz jalaqy aýdaryp, adamdar tobymen aldyn ala sóz baılasý arqyly 680 mln teńge somasynda bıýdjet qarajatyn jymqyrdy degen kúdikke ilindi.
«Sonymen qatar ol laýazymdyq ókilettikterin asyra paıdalana otyryp, óziniń júrgizýshisin mektep-gımnazııaǵa kásibı baǵdarshy laýazymyna jalǵan jumysqa ornalastyryp, oǵan zańsyz jalpy somasy 4.9 mln teńge jalaqy tólegen. Sottyń sanksııasymen kúdikti qamaýǵa alyndy. Tergeý jalǵasyp jatyr», delingen resmı habarlamada.
QR qylmystyq-prosestik kodeksiniń 201-babyna sáıkes ózge aqparat jarııa etýge jatpaıdy.