1981 jyly týǵan Pavlodar oblysyndaǵy Aqtoǵaı aýylynyń turǵyny balyqqa ketip baqılyq boldy. Ol qarda júretin kólikpen balyq aýlaýǵa shyǵyp, qaıta oralmaǵan, dep jazady Egemen.kz.
Onyń uzaq ýaqyt oralmaǵanynan sekem alǵan týystary polısııaǵa habar bergen.
Mamandar búgin onyń máıitin 13 saǵattan keıin tapty. Tótenshe jaǵdaılar mınıstrligi 42 jastaǵy azamat boranda baǵytynan adasyp qalǵan degen baılamǵa keldi.
«TJD kúshterimen áýeden barlaý kezinde Aqtoǵaı aýylynan 10-15 km jerden joǵalǵan adamnyń denesi tabyldy. Izdeý jumystaryna qutqarýshylar, kınologııalyq eseptop, TJM áýe kemesi, JAO, polısııa jáne jergilikti turǵyndar jumyldyrdy», delingen TJM habarlamasynda.