Bıyl sý salasynyń 450-den astam qyzmetkeri mamandandyrylǵan ortalyqtardyń janyndaǵy biliktilik arttyrý kýrstarynan ótedi. Qazirgi ýaqytta Sý resýrstary jáne ırrıgasııa mınıstrligi sý salasy mamandarynyń biliktiligin arttyrý qaǵıdalaryn ázirlep jatyr, dep habarlaıdy Egemen.kz atalǵan vedomstvonyń baspasóz qyzmetine silteme jasap.
Vedomstvo janynan sý qoryn paıdalaný jáne qorǵaý, sýmen jabdyqtaý, sý burý jáne ırrıgasııa salasyndaǵy kásiptik biliktilik jónindegi salalyq keńes qurylǵan. Keńestiń erejeleri jáne kásiptik standarttardy ózektendirý jónindegi jumys jospary bekitilgen, onyń negizinde sý salasy mamandaryn daıarlaý jónindegi bilim berý baǵdarlamalary jańartylmaq.
Sý resýrstary jáne ırrıgasııa mınıstri Nurjan Nurjigitovtiń aıtýynsha óńirlerdegi stýdentter sý sharýashylyǵy uıymdarynda óndiristik praktıkadan ótip, odan ári jumysqa ornalasýy úshin JOO-larmen yntymaqtastyq týraly memorandýmdar jasaý josparlanyp otyr. Sonymen qatar bıyldan bastap keıbir sý sharýashylyǵy qyzmetkerleriniń jalaqysy 25%-ǵa ósti. «Mundaı is-sharalar sý salasyndaǵy mamandyqtardyń bedelin arttyryp, stýdentterdi magıstratýra men doktorantýrada oqýyn jalǵastyrýǵa, al saladaǵy mamandardy biliktiligin arttyrýǵa, onyń ishinde «Bolashaq» baǵdarlamasy boıynsha da bilimin shyńdaýǵa yntalandyrýǵa tıis», dedi mınıstr.