Eńbekke qabiletti jastaǵy Qazaqstan azamattarynyń 20%-dan astamy nesıe tóleý merzimin 90 kúnnen astam ýaqyt keshiktirip otyr. Bul «AMANAT» partııasy uıymdastyrǵan «Qaryzsyz qoǵam» ulttyq jobasy aıasynda júrgizilgen zertteýde anyqtaldy, dep habarlaıdy Egemen.kz atalǵan partııanyń baspasóz qyzmetine silteme jasap.
О́tken jyly bul joba elimizdiń 65 myń turǵynyna qarjylyq tártip negizderin úıretip qana qoımaı, qarjylyq ádetterin qaıta qaraýǵa kómektesti, sonymen birge halyqtyń qarjylyq jaǵdaıy týraly mańyzdy qorytyndy jasaýǵa múmkindik berdi.
Derekterge sáıkes, bankter men basqa da qarjy uıymdaryna qaryz adamdar sany 1,7 mıllıonnan 2 mıllıonǵa deıin jetedi. Memlekettik qoldaý baǵdarlamalary men jeńildetilgen nesıeleý azamattarǵa úlken múmkindikter ashyp otyr. Biraq olardyń kópshiligi tabysyn nemese kepildigin rastaı almaǵandyqtan ony paıdalana almaıdy, tıisinshe bul olardy qarjy ınstıtýttary úshin «senimsiz» etedi.
«AMANAT» partııasynyń hatshysy Eldar Jumaǵazıev atalǵan másele kóleńkeli ekonomıka kóleminiń ulǵaıýyna ákeletinin aıtty. О́ıtkeni adamdar jumys berýshilerden jalaqysyn «konvertte» berýdi suraıdy.
«Jeńildetilgen nesıeleý baǵdarlamalaryn qosa alǵanda, memlekettik qoldaý sharalary qatysýshylarǵa kóptegen múmkindikter ashady. Biraq qoldaý quraldaryn paıdalanýdyń sharty – tabys pen zeınetaqy aýdarymdaryn nemese kepildikti rastaý. Aýqymdy joba halyqtyń edáýir bóligi qarjy ınstıtýttary turǵysynan «senimsiz» tizimde bolýyna baılanysty bul múmkindikten aıyrylǵanyn kórsetti. Sondyqtan olar jumys berýshilerden jalaqysyn «konvertte» suraýǵa májbúr. Osylaısha kóleńkeli ekonomıkanyń onsyz da úlken kólemi artyp keledi», dep atap ótti E.Jumaǵazıev.
Partııa «Aýyl amanaty» jobasynyń qazirgi tetigin keńeıtýdi, sondaı-aq 12 aı boıy qarjy ınstıtýttary aldyndaǵy kredıttik mindettemelerdi turaqty jabatyn azamattarǵa jeńildikpen kredıtteý baǵdarlamalaryna qatysýǵa múmkindik berýdi usyndy.
«Prezıdenttiń Qazaqstan halqyna Joldaýynda qarjylyq saýattylyqty arttyrý jobasynyń mańyzdylyǵy aıtyldy. Biraq biz ári qaraı júrýimiz kerek, óıtkeni túpki maqsat – halyq tabysyn arttyrý jáne sol arqyly ómir súrý sapasyn jaqsartý. Sondyqtan osy mindetterge qol jetkizý úshin Úkimetpen jáne jergilikti atqarý organdarymen birlesip, «AMANAT» partııasy qajetti daǵdylardy oqytýdy, sondaı-aq qaıtarymdy granttar, óndiristik jabdyqtar lızıngi sııaqty quraldardy engizý jolymen jobany keńeıtýdi usynady. Bul 1 mıllıonnan astam Qazaqstan azamatyn ekonomıkalyq aınalymǵa qaıtarýǵa múmkindik beredi. Teńdestirilgen jáne batyl sheshim qajet, ol saıyp kelgende, tutas ekonomıkaǵa oń serpin beredi», dedi ol.