Ádilet mınıstrliginiń resmı ókili Talǵat Ýálı Qazaqstanda tyıym salynǵan esimder tiziminiń bar-joǵy týraly saýalǵa jaýap qatty, dep jazady Egemen.kz.
Jalpy statıstıka málimetterine súıensek, Qazaqstanda jylyna orta eseppen 12 myń adam esimin, ákesiniń atyn nemese tegin ózgertedi eken.
- Bul adamdar óz derekterin tolyǵymen ózgertedi degendi bildirmeıdi. Biz -ov, - ev, -ovıch, -ovna jalǵaýlaryn alyp tastaıtyn jaǵdaılar týraly aıtyp otyrmyz. Keıbiri "uly" nemese "qyzy" dep qosady jáne t.b. Biraq adam óziniń tolyq aty-jónin tolyǵymen ózgertetin jaǵdaılar da bar. Buǵan zańmen tyıym salynbaǵan. О́mirde ártúrli jaǵdaı bolady. Eger adamǵa óz esimi unamasa, ol ózgerte alady, munyń óz talaptary bar, - dep qosty ol.
Resmı ókildiń sózine qaraǵanda, esimniń emlesine qatysty eshqandaı talaptar joq. Ár ata-ana balasynyń esimin qandaı grafıkamen jazýdy jáne qandaı esim qoıatynyn tańdaýǵa quqyly.
- Al tyıym salynǵan esimderdiń tizimi joq. Ata-analar ózderi tańdaıdy, biraq balaǵat sózder bolsa, onda HQO qyzmetkerleri óz balasyna mundaı esim bermeýdi usynýy múmkin. Balańyzǵa qos at qoıýǵa bolady, biraq eki sózden aspaýy kerek. Biraq qorlaý elementteri nemese kelispeýshilikter bolsa, 16 jasta, jeke kýálikti alǵan kezde organdar bul ataýdaǵy qujattardy berýden bas tartýy múmkin. Aty-jónin ózgertý qajet bolýy múmkin, - dep túıindedi Talǵat Ýálı.