Tanymal aqyn, Abaı atyndaǵy Memlekettik syılyqtyń ıegeri Serik Aqsuńqarulynyń nemeresi Halıfat Raýanuly Aqsuńqar jekpe-jektiń grepplıng (rıngtegi kúres) túrinen Azııa chempıony atandy, dep habarlaıdy Egemen.kz.
Baıraqty báseke Aqtóbe qalasynyń «Jekpe-jek saraıy» sport kesheninde ótip jatyr.
Erteń qorytyndylanatyn qurlyq básekesinde Halıfat Aqsuńqar 66 kg salmaq dárejesinde qarsylas shaq keltirmeı, jeńis tuǵyrynan kórindi.
Sportshynyń bapkeri – Aıbar Orazaly. Sonymen qatar, onyń rıngtegi tehnıkasyna qyzyqqan brazılııalyq qos bapker Karlos Farıas pen Lýkas Sılva Halıfatty birlese jattyqtyrǵan.
Jekpe-jektiń «Kilemdegi shahmat» atalatyn bul túri – sambo, dzıýdo, erkin kúres jáne djıý-djıtsý erejeleriniń negizinde jasalǵan aralas báseke. Iаǵnı, óte kúrdeli jekpe-jek. Qalaı bolǵanda da, kópke tańsyq jekpe-jek óneriniń qyr-syryn, ádis-tásilin jetik meńgergen Halıfat Aqsuńqar qazaq halqynyń jaýyngerlik ónerdiń jaýjúregi ekenin Azııa qurlyǵyna moıyndatty. Grepplıng tanymal sport túri sanalatyn elderdiń saıypqyrandaryn san soqtyrdy.