№11 Almaty 2-Shymkent baǵytyndaǵy poıyzdyń №19 vagonynda jolǵa shyqqan daryndy dombyrashylar "Turan" kúıin oryndap, jolaýshylardyń ystyq yqylasyna bólendi, dep habarlaıdy Egemen.kz.
"Jolaýshylar tasymaly" AQ baspasóz qyzmetiniń málimetinshe, 23 aqpanda jeti jas dombyrashy ustazdarymen birge Almatydan Shymkent qalasyna baıqaýǵa qatysý úshin jolǵa shyqqan.
Sapar barysynda balalar poıyzda jarysqa daıyndalǵan. Olar qaz-qatar otyra qalyp, dombyra tartqan.
Osylaısha dombyrashylar vagon jolaýshylaryna keremet kóńil-kúı syılaǵan.