Selınograd aýdanynyń prokýratýrasy Qaraótkel aýyl ákimdiginiń laýazymdy qyzmetkerleri 3 jyl boıy bıýdjet qarajatyn zańsyz ıelenip kelgenin anyqtady. Olar ákimdik qyzmetkerlerine tıesili 15 mln teńgeni ózara bólisken, dep jazady Egemen.kz.
Aýdandyq prokýratýra qyzmettik tekseris barysynda bıýdjet qarjysynyń talan-tarajǵa túsý faktisin tirkedi. Áriptesteriniń jalaqysyn jymqyryp kelgenderge qatysty QR Qylmystyq Kodekstiń 189-baby 2-tarmaǵynyń 4-bóligi (asa iri mólsherde jymqyrý) boıynsha sotqa deıingi tergep-tekserý bastaldy.
Kinálilerdiń qylmysy zań júzinde dáleldense múlki tárkilenip, 7 jyldan 12 jylǵa deıin bas bostandyǵynan aıyrý jazasy taǵaıyndalady.