Premer-mınıstrdiń birinshi orynbasary Roman Sklıardyń tóraǵalyǵymen Investısııalardy tartý jónindegi keńestiń kezekti otyrysy ótti. Otyrysta óńirlerdegi ınvestorlarǵa áleýetti tartymdy salalar talqylandy.
Syrtqy ister mınıstrligi men Bas prokýratýranyń ınvestordyń atqarýshy bılik organdarymen, qadaǵalaý organdarymen jáne uıymdarmen ózara is-qımylynyń ashyqtyǵyn arttyrý jáne ońaılatý jónindegi usynystary tyńdaldy. Memleket basshysynyń tapsyrmalaryn oryndaý aıasynda múddeli memlekettik organdar men bıznes-qoǵamdastyqtyń qatysýymen «jasyl dáliz» tetigi ázirlenip jatyr.
Sonymen qatar Bas prokýratýra «Astana» halyqaralyq qarjy ortalyǵy qatysýshylarymen ınvestısııalyq kelisimshart jasasý boıynsha birqatar júıeli usynys aıtty. Aqmola jáne Aqtóbe oblysy ákimdikteri ınvestısııa tartý josparlaryn tanystyrdy.
Jalpy, josparlanǵan jumystardyń tolyqqandy iske asyrylýyn qamtamasyz etý tapsyryldy. Investısııalardy tartý úshin óńirlerdiń, onyń ishinde ónerkásip, logıstıka jáne AО́K salalaryndaǵy úlken ınvestısııalyq áleýeti atap ótildi.
Sondaı-aq keńeste jer qoınaýyn paıdalaný jáne hımııa ónerkásibi salasyndaǵy jekelegen ınvestısııalyq jobalardyń problemalyq máseleleri qaraldy. Talqylaý qorytyndysy boıynsha jaýapty memlekettik organdarǵa tapsyrmalar berildi.