Beınebaıanǵa Qytaıdan kelgen 70-ten astam maman tartylyp, shyǵarmashylyq top jumys istedi, dep habarlaıdy Egemen.kz.
26 aqpanda Ystambulda Dımash Qudaıbergen «When I’ve got you» atty jańa týyndysyna arnalǵan beınebaıannyń tusaýyn kesti. Premera ónerpazdyń Túrkııada ótetin jeke konsertine baılanysty baspasóz konferensııasy aıasynda ótti.
Beınebaıannyń negizgi ıdeıasy Dımash pen beınebaıannyń rejısseri Ǵalym Asylovqa tıesili: «Jeke ómir saltyn ustanatyn álemge áıgili ánshi óziniń alǵashqy ashyq suhbatyn berýge sheshim qabyldady. Ol tańdaǵan jas jýrnalıst “Al, eger…” dep bastalatyn túrli ýaıymǵa toly saýaldary kóbeıip, qatty qobaljyp, ýaıymǵa salyndy.
Dımashtyń meıirimdi jáne qarapaıym adam ekenin bári biledi. Biraq Dımash buqaralyq aqparat quraldarynda jıi kórine bermeı, jeke suhbat bermeıtindikten onyń jeke ómiri týraly az bilemiz. Al búgin biz ánshini sál basqa qyrynan, jańa beınede kóretin bolamyz», dep bólisti.
Ǵalym Asylov pen jobanyń ekinshi rejısseri ári jelilik prodıýser Jánibek Ǵusmanov túsirilim barysy óte qyzyq bolǵanyn jáne Almatyda ótkenin habarlady. Dál sol jerde bas keıipkerdiń kostıými tigilip, qazaqstandyq mamandarmen birge ánshiniń búkil obrazy jasaldy.
Kastıng ońaı bolǵan joq: basty keıipkerdiń róline kóptegen aktrısalar men modelder óz baqtaryn synady. Ejelgi antıkalyq mádenıetti izdeý ońaı bolmady. Sol sebepti, beınejazba úsh jer paıdalanyldy. Shyǵarmashylyq komanda ıntererdiń árbir elementinde, kostıýmniń árbir detalynda jáne árbir kadrda jumbaqqa toly oqıǵalar jasaýǵa tyrysty.