Aldaǵy jyly Eýrazııa ulttyq ýnıversıteti stýdentterdi jataqhanamen tolyq qamtamasyz etýdi josparlap otyr. 4 jańa Ctýdenttik úı qurylysyna jeke ınvestısııa tartylýda. Olardyń biri bıylǵy jazda paıdalanýǵa beriledi, dep habarlaıdy Egemen.kz.
EUÝ eki jyl ishinde stýdenttik úılerdiń sanyn kóbeıtip, 5 myńnan astam oryndy paıdalanýǵa berýdi josparlap otyr. Maǵjan Jumabaev kóshesinde boı kóterip jatqan jańa zamanaýı jataqhanaǵa ýnıversıtet stýdentteri bıyl ornalasa alady.
«Búgingi tańda memlekettik-jeke menshik áriptestik tetiginiń arqasynda ınvestorlar stýdenttik úılerdiń qurylysyna úlken qyzyǵýshylyq tanytyp otyr. Bıyl jańa oqý jylynyń aldynda jańa Stýdentter úıi paıdalanýǵa beriledi. Aldaǵy ýaqytta taǵy 3 stýdenttik úıdi salýdy josparlap otyrmyz. Bul jataqhanaǵa degen suranysty jabady», dep atap ótti EUÝ rektory Erlan Sydyqov.
Maǵjan Jumabaev kóshesindegi EUÝ-dyń jańa Stýdenttik úıin ınvestor-qurylys júrgizýshi «AEK Munai» JShS salyp jatyr. Qazirgi ýaqytta eki bloktan jáne 5 qabattan turatyn ǵımarattyń qurylysy qarqyndy júrgizilýde. Stýdenttik jataqhananyń jalpy aýdany 4 myń sharshy metrden asady.
«Bıyl bizdiń kompanııa óz qarajatyna stýdenttik jataqhanalar salýdy sheshti. Bizdiń alǵashqy jobamyz Eýrazııa ulttyq ýnıversıtetiniń Stýdenttik úıin salýdan bastaldy. Ǵımaratta shamamen 300-ge jýyq oryn qarastyrylǵan. Jataqhana dızaınerlerdiń kómegimen jobalandy. Ǵımarat zamanaýı ári jaıly bolady. Birinshi qabattarda stýdentterge yńǵaıly bolý úshin kovorkıng aımaqtar ornalasady», dedi «Bastau Damu KZ» JShS dırektory Arman Halelov.
Aıta ketý kerek, 2023 jyly Memleket basshysynyń tapsyrmasy aıasynda Astanada stýdenttik jataqhana qurylysynyń jobalyq keńsesi qurylǵan bolatyn. Osy baǵytta ınvestorlar, Ǵylym jáne joǵary bilim mınıstrligi, Astana qalasy ákimdigi, «Qarjy ortalyǵy» AQ jáne joǵary oqý oryndary arasynda jemisti yntymaqtastyq týraly memorandýmdar jasaldy.