Bıyl aqyn, jazýshy, memleket jáne qoǵam qaıretkeri Sáken Seıfýllınniń 130 jyldyq mereıtoıy. Osy jyldarǵa deıin mýzeı qorynda Sákenniń eńbekterinen bólek, jeke qoldanylǵan zattary da saqtalǵan. Sonyń biri – altynmen aptalǵan baǵaly qalta saǵaty.
1936 jyly Qazaqstan Jazýshylar odaǵynda Sáken Seıfýllınniń ádebı jáne koǵamdyq qyzmetine 20 jyl tolýyna oraı saltanatty kesh ótip, atalǵan jıynda ókimet ardaqty azamatty Eńbek Qyzyl Tý ordenimen marapattap, altynmen aptalǵan qalta saǵat syılaıdy. Aqyn ómirden ozǵannan keıin jary Gúlbahram onyń jeke zattaryn muqııat saqtaǵan. Qazirgi tańda saǵat elordadaǵy aqyn mýzeıinde saqtaýly tur. Baǵaly altyn jádigerdiń salmaǵy – 100 gr. Qalta saǵatynyń bir ereksheligi – qaıratkerdiń esimi ústińgi jaǵyna bederlenip jazylǵan.
Qundy jádiger qazirgi «H.Moser & Cie» shveısarııalyq brendine tıesili. Jylyna kompanııa bar bolǵany 1 200 saǵat shyǵarady. Bul brend saǵattarynyń qundylyǵy arta beretinin kórsetedi.
Nuraı ASYLBEK,
Astana IT ýnıversıtetiniń stýdenti