Joǵary oqý oryndarynda ǵylymı-pedagogıkalyq qyzmetpen aınalysatyn oqytýshylardyń, sondaı-aq ǵylymı-zertteý jumystaryn júrgizetin ǵalymdardyń negizgi jalaqysyna qosymsha aqy tólenetin bolady. Bul týraly búgin Májilistiń jalpy otyrysynda aıtyldy, dep habarlaıdy Egemen.kz.
Ǵalymdardyń negizgi jalaqysyna qosylatyn qarajat mólsheri olardyń ǵylymı dárejesi men ataǵyna baılanysty bolady. Mysaly, dosent ataǵy bar ǵylym kandıdattary qosymsha 25 AEK, professor ataǵy bar ǵylym doktorlary 50 AEK alady.Sonymen qatar joǵary oqý oryndarynda jáne ǵylymı uıymdarda jumys isteıtin ǵalymdarǵa ǵylymı, ǵylymı-pedagogıkalyq jáne ǵylymı-tehnıkalyq sıpattaǵy jumystardy aıaqtaý úshin bir jylǵa deıingi eńbek demalysy beriledi. Osy kezeńde uıymnyń óz qarajaty esebinen ortasha jalaqy saqtalady. Qyzmetkerdiń keminde bes jyl úzdiksiz ǵylymı-pedagogıkalyq jumys ótili bolǵan jaǵdaıda shyǵarmashylyq eńbek demalysy on jylda bir ret beriledi. Mundaı demalysty aıaqtaǵannan keıin ǵalymdar osy uıymda keminde úsh jyl jumys isteýge mindetti.