Ǵylymı jobalardy kommersııalandyrý, ónertabysty óndiriske engizý ǵalymdar úshin ózekti máselege aınalyp otyr. Osy baǵytta «Kásipkerlik qoǵamdastyq, ǵylymı mekemeler men memleket arasyndaǵy yntymaqtastyqty yntalandyrý mehanızmderi» sessııasynda bıznes jáne ǵylym yqpaldastyǵy máselesi talqylandy.
«Digital Almaty: H ındýstrııasy jáne bolashaqtyń sıfrlyq evolıýsııasy» forýmy aıasynda ótken sessııada Almaty qalasy kásipkerler palatasynyń tóraǵasy Nursultan Shoqanov ǵylymı ıdeıalar men ázirlemelerdi kommersııalandyrý elimizdiń áleýmettik ekonomıkalyq damý kórsetkishterine oń yqpal etetin mańyzdy tetik ekenin atap ótti. Sarapshynyń aıtýynsha, ǵylymı jobalardy kommersııalandyrý barysy ońaıǵa soqpaıdy. Nátıjesi elimiz úshin strategııalyq mańyzy zor bolǵanymen, bul – uzaq ári kúrdeli úrdis. Búginde el ekonomıkasy shıkizattyq emes baǵyttan arylyp, óńdeý baǵytyndaǵy áleýetti arttyrýǵa basa mán berip otyr. Sondyqtan memlekettik organdar, damý ınstıtýttary, ǵylymı ortalyqtarmen birlesip, kreatıvti ındýstrııa, ınnovasııalar salasyn damytýǵa kúsh salýy mańyzdy.
Memleket basshysy ótken jyly Ǵylym jáne tehnologııa jónindegi ulttyq keńestiń otyrysynda ekonomıkanyń óndiristik sektorlaryndaǵy ǵylymı-zertteý jumystarynyń kólemin ulǵaıtý úshin bıznes pen ǵylymı qoǵamdastyq arasynda tyǵyz ózara is-qımyl ornatý qajettigin atap ótken bolatyn. Osy oraıda «Atameken» UKP basqarma tóraǵasynyń orynbasary Tımýr Jarkenov «Ǵylym men bıznes – ınnovasııalyq áleýetti damytýdyń eki mańyzdy quramdas bóligi. Osy eki sektor arasyndaǵy tıimdi yntymaqtastyq qana ekonomıkalyq jáne áleýmettik máselelerdi sheshýge, jańa jumys oryndaryn qurýǵa járdemdesedi», dep atap ótti.
«QazInnovations» ınnovasııalardy damytý jónindegi ulttyq agenttik» AQ tóraǵasy Sanat Ahanovtyń aıtýynsha, elimizde ǵylymı jobalardy qoldaý quraldary jetkilikti, biraq ortalyqtandyrylǵan júıe joq. Osy oraıda spıker birqatar usynysyn alǵa tartty. «Salalar boıynsha ázirlemelerdi klasterleý, ıaǵnı ártaraptandyrý qajet. Bul jerde jobalardyń jetilý barysyn qarastyrý mańyzdy. Ázirlemeler boıynsha aǵymdaǵy chek-lıstke de nazar aýdarǵan jón. Bul ázirlemeler álemdik trendke jata ma, joq pa, oǵan suranys bar ma, otandyq naryqtyń syıymdylyǵy, álemdik naryqtaǵy orny qandaı ekenin zerdeleý mańyzdy. Munymen qosa áleýetti klıentterdiń tizbesi jasalýy kerek. Bul baǵytta «Atameken» UKP qoldaýy mańyzdy. Osy kúrdeli tizbekti ǵylym salasy júıeli túrde toptastyryp, usynyp jatsa, ári qaraı kásipkerlik baǵytta jalǵastyra alamyz. Bul – úzdiksiz jalǵasyn taba beretin úrdis», dedi spıker.
Memleket basshysynyń tapsyrmasymen qazirgi kezde «Atameken» Ulttyq kásipkerler palatasy ınvestısııalyq jobalar tizilimin ázirlep jatyr. «Qazirgi kezde ınvestısııalyq jobalar týraly derekter ákimdikterde ehsel kestesi túrinde jınalady. Júıelilik joq. Sondyqtan ınvestısııalyq joba birneshe jyl boıy iske asyrylmaı jatady, kásipker ýaqyt joǵaltady. Ulttyq palata Investısııalyq jobalardyń biryńǵaı tizilimin júrgizý mehanızmin usynyp otyr. Jobany qazir qanatqaqty rejimde iske qosyp jatyrmyz», dedi «Naryqty monıtorıngileý jáne saraptaý ortalyǵy» JShS dırektory Aıbek Erǵojaev aıtty.
«Ǵylym qory» AQ basqarma tóraǵasy Kamıl Aqatov qor tarapynan atqarylyp jatqan jumystar barysyna toqtalsa, «Omir Group» kompanııasynyń negizin qalaýshy jáne CEO, Schulich Startups startaptar uıymynyń múshesi Dinmuhamed Qonaev Kanadanyń startaptardy qoldaý tájirıbesimen bólisti.
Sessııada sonymen qatar megapolıs ekonomıkasyn transformasııalaýdyń draıveri týrızm, óndiris, kreatıvti ındýstrııalar men IT salasyn damytýda óńirlik palata jergilikti atqarýshy organdar, joǵary oqý oryndarymen, damý ınstıtýttarymen tyǵyz baılanysty jumys isteıtin bolady. «Atameken» UKP baspasóz qyzmetiniń deregine súıensek, byltyr qarasha aıynda Almaty kásipkerler palatasy men New Ventures (InDrive) yntymaqtastyq týraly memorandýmǵa qol qoıǵany belgili. Yntymaqtastyq aıasynda ońtústik astana bıznesmenderi New Ventures-ten 100 mıllıon dollarǵa deıingi ınvestısııa alýǵa úmitker bola alady. Al Almaty qalasynyń kásipkerler palatasynda kreatıv ındýstrııalar men ınnovasııalardy damytý jónindegi keńespen sala mamandary, kásipkerler, sondaı-aq barlyq múddeli tarap birlese jumys isteý múmkindigi qarastyrylǵan.
ALMATY