Kókshetaýda asa iri mólsherde psıhotroptyq zattardy saqtaǵany úshin «K» esimdi qala turǵyny 4 jylǵa sottaldy, dep jazady Egemen.kz.
Azamat «K» «Telegram» messendjeri arqyly shartty jerde «betbelgi» túrinde qaldyrǵan psıhotroptyq zattardy satyp alǵany anyqtaldy.
Ekinshi belgini tabýǵa bettegen ony polısııa qyzmetkerleri esirtkige elitken kúıde qolǵa túsirdi.
Sot kináliniń jazasyn ortasha rejımdegi túzeý mekemesinde óteý jáne nashaqorlyqtan emdeý týraly úkim shyǵardy.
Jastar arasynda sıntetıkalyq esirtki qoldaný sheńberin shekteý, oqıǵadan oı túıdirý maqsatynda sot ashyq túrde ótti. Proseske stýdentter tyńdaýshy retinde qatysty.