Baha Búbihanova degen kim, onyń atyndaǵy alǵashqy baıqaýdyń bas júldesi nege qyrǵyz jastaryna buıyrdy degen saýalǵa jaýap bermes buryn, osy jarystyń aqtyq synyna shyqqan jas sýretshiniń jumysy Á.Qasteev atyndaǵy Memlekettik óner murajaıynyń qoryna qosylatynyn aıta ketý kerek.
Bul kúnderi Almatydaǵy Aspan Gallery alańynda sáýirdiń aıaǵyna deıin aıaldaıtyn B.Bubikanova Art Prize baıqaýy qatysýshylarynyń kórmesi ótip jatyr. Alǵash ret uıymdastyrylǵan B.Búbihanova atyndaǵy baıqaýǵa bastapqyda álemniń 35 elinen ártúrli tehnıkada oryndalǵan 188 týyndy tússe, onyń ishinde 11 fınalıstiń jumysy Aspan Gallery alańyndaǵy kórmege qoıyldy.
Sonymen Á.Qasteev atyndaǵy MО́M sarapshylarynan quralǵan irikteý komıssııasynyń tańdaýy – 32 jastaǵy Madına Joldybektiń «Kádimgi juldyz», «Neıtrondy juldyz», «qara qurdym» atty trıptıh janryndaǵy jumysyna tústi. Kartına Gonkong pen Parıjdegi kórmelerge qatysqan. Osy eńbegi úshin Abaı atyndaǵy ulttyq opera jáne balet teatrynyń dırektory joba demeýshisi – Aınur Kópbasarova taǵaıyndaǵan 1 000 000 teńge kólemindegi júldege ıe boldy.
Al baıqaýdyń Bas júldesi Bishkekten kelgen «Zamanbap óneri» tobynyń «Qyshqy teatr» (Qysqy teatr) ınstallıasııasyna buıyrdy. Chyngyz Aıdarov, Aızýýrý Baqalov, Marat Raıymqulov syndy jastardan quralǵan óner ujymy 2022 jyly Bishkek qalasynda dúnıege kelgen. Avtorlaryna qulshynys pen qýanysh syılaǵan ınstallıasııany Almaty Museum of Arts satyp alyp, 1 000 000 teńge kóleminde syıaqy taǵaıyndady.
Birinshi baıqaýda baǵy janǵan Madına Joldybek: «Shynymdy aıtsam, baıqaýda jeńimpaz bolamyn dep oılamadym. О́ıtkeni memlekettik murajaı osynaý ashyq beınelengen ana bolý, bala emizýdiń kózden tasa tustary jaıyndaǵy dıskýssııaǵa ázirge daıyn emes dep oıladym. Bul taqyrypta áli de taptaýryn kózqarastar men mıf óte kóp. Men kishigirim bolsa da analardyń óz oıyn jetkizýde ilgerileýlerdiń bar ekenin baıqaımyn», deıdi.
«Baıqaý jarııalanǵannan keıin qatysýǵa bel býdyq. Baqyt Búbihanova – aımaqtyq kórkem úderistiń bir bóligi. Sýretshiniń qaldyrǵan jumbaqtaryn áli uzaq ýaqyt boıy sheshýge týra keledi. Ol qarapaıym da naqty jumys isteýdiń jolyn kórsetip, art etıkettiń tizbektik erejelerin ustanbaı-aq, qatelesýden qoryqpaýǵa jáne tipti munyń kerek ekendigin pash ete bildi», deıdi sýretshi Marat Raıymqulov.
ALMATY