Bıýro otyrysy ótti

Depýtattarǵa kredıt berý kezinde táýe­kel­derdi barynsha azaıtý jáne qaryz alý­­shylardyń quqyqtaryn qorǵaý má­sele­leri boıynsha ózgerister men tolyq­ty­rý­lar engizý týraly zań jobasyn birin­shi oqy­lym­da qaraý usynylady. Qujat­ty Par­la­ment depýtattary Memle­ket bas­­shy­­synyń «Ádiletti Qazaqstannyń eko­no­­mı­kalyq baǵdary» atty Qazaqstan hal­qy­­na Jol­daýyn iske asyrý maqsatynda ázirlegen.

Usynylyp otyrǵan normalar azamat­tar­dyń shamadan tys nesıesin tómen­detýge, qaryz alýshylardyń quqyqtaryn qorǵaýdy arttyrýǵa, azamattardyń bank­rottyq rásimge qol jetkizýin jeńil­detýge, sondaı-aq kredıt berý kezin­de alaıaqtyq áreketterdi azaıtýǵa baǵyt­talǵan. Atap aıtqanda, kredıtter boıyn­sha 90 kúnnen artyq merzimi ótken jaǵdaı­da azamattarǵa jańa tutynýshylyq ne­sıe berýge tyıym salý usynylady. Bu­dan basqa kámeletke tolmaǵan balalary bar otbasylardy jylytý maýsymyn­da jalǵyz turǵyn úıinen shyǵarýǵa tyıym salatyn norma, sondaı-aq qaryz alý­shy­nyń bank shotynda kredıtter boıynsha bere­shekti óndirip alý úderisine keminde 2 kún­kóris mólsherinde aqshanyń saqtalýyn qam­tamasyz etetin túzetýler kózdelgen.

Depýtattar aldaǵy jalpy otyrysta «Ǵylym jáne tehnologııalyq saıasat týraly» zań jobasyn birinshi oqylymda ilespe túzetýlermen talqylaıdy. Olar ǵylymı qyzmettiń strategııalyq, kásibı jáne áleýmettik máselelerin sheshýge baǵyttalǵan jáne ǵylymnyń el ekonomıkasyn damytýǵa qosqan úlesin jaqsartýǵa, ǵylymı áleýettiń básekege qabilettiligin arttyrýǵa yqpal etetin bolady.

Sonymen qatar «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń kodeksi­ne (Salyq kodeksi) ǵylym máseleleri boıyn­sha ózgerister men tolyqtyrýlar engizý tý­raly» zań jobasy birinshi oqylymda qara­lady. Bul zań jobasyna Parlament depýtattary bastamashylyq etti. Ol salyqtyq preferensııalar berý arqyly ǵylymnyń damýyn yntalandyrýǵa baǵyttalǵan.