Ulttyq akademııalyq kitaphanada tehnıka ǵylymdarynyń doktory, professor Seıit-Qasym Baıbekovtiń «Gún Ata» kitabynyń tanystyrylymy ótti.
Bul jınaqtyń oqyrmanǵa beretin tanymdyq tálimi mol. Avtor shyǵarma bas keıipkeriniń basynan ótken qıly taǵdyrdy kórkem beınelegen. Týyndyda Murtaza tylsym tabıǵattyń kúshimen qarý-jaraqsyz, qural-saımansyz tas dáýirinde qart Qarataýdy mekendegen jabaıy adamdarmen birge bir jarym jyl túrli qyzyqty basynan ótkizip, elge aman-esen oralǵany týraly shynaıy baıandalǵan.
«Bul kitap – Murtazanyń aýyzsha aıtqan áńgimesiniń qospasyz kóshirmesi. Sondyqtan jınaqtyń negizgi avtory – Murtaza. Kóp oqyrman onyń aıtqan oqıǵalaryna senbeýi múmkin. Sebebi adam senbes shyndyqty aıtsań, ol ótirikke aınalady. Al adam sener ótirikti aıtsań, ol shyndyqqa aınalady. Biraq mundaǵy jazylǵan dúnıeniń bári – aqıqat», dedi avtor.
Is-shara barysynda Parlament Senatynyń depýtaty Nurtóre Júsip jáne taǵy basqa da elimizge tanymal azamattar Seıit-Qasym Baıbekovtiń ǵylym men jazý ónerin qatar alyp júrgen eńbekqorlyǵyn joǵary baǵalap, izgi lebizderin bildirdi.